പെരിന്തല്‍മണ്ണ : പെരിന്തല്‍മണ്ണയിലെ സാംസ്‌കാരിക ജീവിതത്തില്‍ അവിഭാജ്യ ഘടകമായിരുന്നു പി.ടി അരുണ്‍കുമാറെന്നു സ്പീക്കര്‍ പി.ശ്രീരാമകൃഷ്ണന്‍. പെരിന്തല്‍മണ്ണയില്‍ സംഘടിപ്പിച്ച പി.ടി അരുണ്‍കുമാര്‍ അനുസ്മരണ സമ്മേളനം-അരുണോര്‍മ ഉദ്ഘാടനം ചെയ്യുകയായിരുന്നു അദ്ദേഹം. പി.പി വാസുദേവന്‍ അധ്യക്ഷനായി. കവിതാ പുരസ്‌കാരം ഷീജ വക്കത്തിന് സമ്മാനിച്ചു. പ്രഫ. പാലക്കീഴ് നാരായണന്‍, സി.വാസുദേവന്‍, എ.കെ കൃഷ്ണപ്രദീപ്, കെ. ജയദേവന്‍,കെ.ബദ്‌റുന്നീസ, എന്‍.എം മെഹറലി, ശിവദാസ് പാലപ്പറമ്പില്‍, സി.എച്ച് ആഷിഖ്, മേലാറ്റൂര്‍ രവിവര്‍മ, മാങ്ങോട്ടില്‍ ബാലകൃഷ്ണന്‍സംസാരിച്ചു.
എം മുഹമ്മദ് സലീം സ്വാഗതവും പി.തുളസീദാസ് നന്ദിയും പറഞ്ഞു. സജി ചെറുകര സംവിധാനം ചെയ്ത അരുണോര്‍മ ഡോക്യുമെന്ററിയും കാവ്യ സന്ധ്യയും അരങ്ങേറി.