ലണ്ടന്‍: ബെല്‍ജിയം സൂപ്പര്‍ താരം ലൂക്കാക്കു മാഞ്ചസ്റ്റര്‍ യുനൈറ്റഡ് വിടാനൊരുങ്ങുന്നു.
മാഞ്ചസ്റ്റര്‍ യുനൈറ്റഡില്‍ തനിക്ക് ഇനിയും തിളങ്ങാന്‍ കഴിയില്ല എന്ന തോന്നല്‍ ആണ് ലുക്കാക്കുവിനെ യുനൈറ്റഡ് വിടാന്‍ പ്രേരിപ്പിക്കുന്നതെന്നാണ് റിപ്പോര്‍ട്ടുകള്‍. ഒലെ ഗണ്ണാര്‍ സോള്‍ഷ്യാറിന്റെ ശൈലിയില്‍ ലൂക്കാക്കുവിന് അവസരം കുറയുന്നതായി നേരത്തെ റിപ്പോര്‍ട്ടുകളുണ്ടായിരുന്നു. എന്നാല്‍ എവിടേക്കാണ് പോവുക എന്ന കാര്യത്തില്‍ തീരുമാനമായിട്ടില്ല. ഇറ്റലയിലേക്ക് പോകുമെന്ന അഭ്യൂഹവും പരക്കുന്നുണ്ട്. ഇറ്റാലിയന്‍ ക്ലബുകളുമായി ലുക്കാക്കു ചര്‍ച്ചകള്‍ നടത്തിയതായി റിപ്പോര്‍ട്ടുകള്‍ പുറത്തുവന്നിരുന്നു. ഇന്റര്‍ മിലാനോ യുവന്റസോ ആകും ലുക്കാക്കുവിനെ സ്വന്തമാക്കുക. ഇക്കാര്‍ഡിയെ ടീമിലെത്തിച്ച് പകരം ലുക്കാക്കുവിനെ ഇന്റര്‍ മിലാന് നല്‍കാന്‍ മാഞ്ചസ്റ്റര്‍ യുനൈറ്റഡും ശ്രമിക്കുന്നു@ണ്ട്. മൗറീനോ വന്‍ തുകയ്ക്ക് ക്ലബിലേക്ക് എത്തിച്ച ലുക്കാക്കകുവിന് ഇത്ര കാലമായിട്ടും മാഞ്ചസ്റ്ററില്‍ സ്ഥിരതയാര്‍ന്ന പ്രകടനം കാഴ്ചവക്കാന്‍ ആയിട്ടില്ല. സീസണിലെ മോശം പ്രകടനം കാരണം യുനൈറ്റഡിലെ പലതാരങ്ങള്‍ക്കെതിരേയും വിമര്‍ശനം ഉയരുന്നുണ്ട്.