കളനാട്: കട്ടക്കാലില്‍ ഓട്ടോയും കാറും കൂട്ടിയിടിച്ചു ഡ്രൈവര്‍ക്കും യാത്രക്കാരിക്കും പരുക്കേറ്റു. ഇന്നലെ വൈകുന്നേരമാണ് അപകടം നടന്നത്. ചാത്തങ്കൈയ്യില്‍ നിന്നു കളനാട് ഭാഗത്തേക്കു പോവുകയായിരുന്ന ഓട്ടോറിക്ഷയും കളനാട് ഭാഗത്തു നിന്നു കാസര്‍കോട് ഭാഗത്തേക്കു പോവുകയായിരുന്ന കാറുമാണു കൂട്ടിയിടിച്ചത്. കളനാട് ടൗണിലെ ഓട്ടോ ഡ്രൈവര്‍ കുമാരന്‍ (35), ചിത്താരി സ്വദേശിനിയായ ഫാത്തിമ (65), മകന്‍ മഷ്ഹൂദ ്(24) എന്നിവര്‍ക്കാണ് പരുക്കേറ്റത്. ഇവരെ ഉദുമയിലെ സ്വകാര്യശുപത്രിയില്‍ പ്രവേശിപ്പിച്ചു.