ദമസ്‌കസ്: സിറിയയിലെ വിമതനിയന്ത്രണത്തിലുള്ള നഗരത്തിലുണ്ടായ കാര്‍ ബോംബ് സ്‌ഫോടനത്തില്‍ ഒരു മരണം. തുര്‍ക്കി അതിര്‍ത്തിയോടു ചേര്‍ന്ന അസാസ് നഗരത്തിലാണ് സംഭവം. നിരവധി പേര്‍ക്ക് പരുക്കേറ്റിട്ടുണ്ട്.
സമീപത്തെ ഇദ്‌ലിബ് പ്രവിശ്യ തിരിച്ചുപിടിക്കാന്‍ സര്‍ക്കാര്‍ സൈന്യം ആക്രമണം രൂക്ഷമാക്കുന്നതിനിടെയാണ് ആക്രമണം നടന്നത്. നഗരത്തില്‍ തിരക്കേറിയ പ്രദേശത്ത് സ്‌ഫോടക വസ്തുക്കള്‍ ഘടിപ്പിച്ച കാര്‍ പൊട്ടിത്തെറിക്കുകയായിരുന്നു. 17 പേര്‍ക്കാണ് ആക്രമണത്തില്‍ പരുക്കേറ്റത്. സംഭവത്തില്‍ ആരും ഉത്തരവാദിത്തം ഏറ്റെടുത്തിട്ടില്ല.
ആഭ്യന്തര യുദ്ധം ഏറ്റവും കൂടുതല്‍ ദുരിതം വിതച്ച സിറിയയിലെ പ്രധാന നഗരങ്ങളിലൊന്നായ അലെപ്പോയില്‍നിന്ന് 32 കി.മീറ്റര്‍ അകലെയാണ് അസാസ് നഗരം സ്ഥിതി ചെയ്യുന്നത്.