തിരുവനന്തപുരം: ഈ വര്‍ഷത്തെ വേനല്‍മഴയില്‍ സംസ്ഥാനത്ത് 82 കോടി രൂപയുടെ കൃഷിനാശം. ആലപ്പുഴ, ഇടുക്കി, എറണാകുളം, തൃശൂര്‍, മലപ്പുറം, പാലക്കാട് ജില്ലകളിലാണ് കൂടുതല്‍ നാശം സംഭവിച്ചത്.
1,770 ഹെക്ടര്‍ നെല്‍കൃഷി നശിച്ചുവെന്നാണ് കണക്ക്. ഇതുവഴി 33.56 കോടിയുടെ നഷ്ടം കണക്കാക്കുന്നു. 150 ഏക്കറിലെ വാഴകൃഷി നശിക്കുകയും 15.30 കോടിയുടെ നഷ്ടമുണ്ടാകുകയും ചെയ്തു. റെക്കോര്‍ഡ് വിലയിലെത്തി നില്‍ക്കുന്ന ഏലം 125 ഹെക്ടറിലേറെ നശിച്ചു. 13 കോടിയുടെ നഷ്ടമാണ് കണക്കാക്കപ്പെടുന്നത്. 39 ഹെക്ടറിലെ പച്ചക്കറി കൃഷിയും നശിച്ചു. 10,870 കര്‍ഷകര്‍ക്കാണ് വിളനാശം സംഭവിച്ചതെന്നും കൃഷിവകുപ്പിന്റെ കണക്കുകള്‍ വ്യക്തമാക്കുന്നു.