ജിദ്ദ: തൊഴില്‍ വിസകളുടെ എണ്ണത്തില്‍ സഊദിയില്‍ വന്‍കുറവ് ഉണ്ടായെന്ന് റിപ്പോര്‍ട്ട്. കഴിഞ്ഞ മൂന്ന് വര്‍ഷത്തിനിടെ 65 ശതമാനത്തിന്റെ കുറവാണ് രേഖപ്പെടുത്തിയിരിക്കുന്നത്. ഈ വര്‍ഷം അനുവദിച്ചതിലേറെയും ഗാര്‍ഹിക വിസകളാണെന്നാണ് തൊഴില്‍ മന്ത്രാലയം വ്യക്തമാക്കുന്നത്.

2015 മുതല്‍ 2017 വരേയുള്ള കാലയളവിലാണ് തൊഴില്‍ വിസയുടെ എണ്ണത്തില്‍ ഈ കുറവ് രേഖപ്പെടുത്തിയത്. 2017ല്‍ 7,18,835 വിസകളാണ് തൊഴില്‍ മന്ത്രാലയം വിതരണം ചെയ്തതെങ്കില്‍ 2016ല്‍ ഇത് 14,03,713 വിസകള്‍ ആയിരുന്നു.
സെപ്റ്റംബര്‍ മുതല്‍ പന്ത്രണ്ടോളം വാണിജ്യ മേഖലകളില്‍ 70 ശതമാനം സ്വദേശിവത്കരണം നടപ്പിലാക്കുന്നതോടെ വിദേശികള്‍ക്കനുവദിക്കുന്ന തൊഴില്‍ വിസയുടെ എണ്ണത്തില്‍ ഇനിയും കാര്യമായ കുറവുണ്ടാകുമെന്നാണ് കരുതുന്നത്.