ചെറുവത്തൂര്‍: സ്‌നേഹതീരം ബഡ്സ് സ്‌കൂളിലെ കുട്ടികള്‍ക്ക് ഒരു വര്‍ഷത്തേക്ക് ലഘുഭക്ഷണം ഒരുക്കുന്നതിനുള്ള തുക 'മാമ്പഴം' കൂട്ടായ്മയുടെ വക. പിലിക്കോട് ഗവ. ഹയര്‍ സെക്കന്‍ഡറി സ്‌കൂള്‍ 1993 -94 എസ്.എസ്.എല്‍.സി പഠിതാക്കളുടെ കൂട്ടായ്മയാണ് 'മാമ്പഴം'. കയ്യൂരിലെ വിദ്യാലയത്തിലെത്തിയ കൂട്ടായ്മയിലെ അംഗങ്ങള്‍ കയ്യൂര്‍-ചീമേനി ഗ്രാമപഞ്ചായത്ത് വികസനകാര്യ സ്റ്റാന്റിങ് കമ്മിറ്റി ചെയര്‍മാന് ഭക്ഷണത്തിനുള്ള തുക കൈമാറി. കയ്യൂരില്‍ തന്നെയുള്ള തീരം റീഹാബിറ്റേഷന്‍ സെന്ററിലേക്ക് അലമാരയും നല്‍കി.
ഇവിടുത്തെ അന്തേവാസികള്‍ ഉണ്ടാക്കുന്ന കരകൗശല വസ്തുക്കള്‍ സൂക്ഷിക്കാന്‍ പാകത്തിലാണ് അലമാര നിര്‍മിച്ചു നല്‍കിയത്. 'മാമ്പഴം' കൂട്ടായ്മയിലെ അംഗങ്ങളായ എം.വി ലതീഷ്, പി.വി വിനോദ്, സജീവന്‍, ഗിരീഷ്, അജിത്ത്, സുജീഷ് പിലിക്കോട്, സജിത, ലസിത, ശ്രീന ഗോപാല്‍, ആശാലത സംബന്ധിച്ചു.