സുല്‍ത്താന്‍ ബത്തേരി: എഴു വയസുകാരി കാല്‍ വഴുതി പുഴയില്‍ വീണ് മരിച്ചു. കോളൂര്‍ നായ്ക്കകോളനിയിലെ രാജന്‍- രാധ ദമ്പതികളുടെ മകള്‍ വിഷ്ണുപ്രിയ ആണ് മരിച്ചത്. ഇന്നലെ രാവിലെ പത്തരയോടെ കോളൂര്‍ പുഴയിലാണ് സംഭവം. അമ്മയോടൊപ്പം പുഴയില്‍ എത്തിയ കുട്ടി കളിക്കുന്നതിനിടെ കാല്‍ വഴുതി വെള്ളത്തിലേക്ക് വീഴുകയായിരുന്നു. ഉടനെ തന്നെ അമ്മയും സമീപത്ത് കാലി മേക്കുന്നവരും ചേര്‍ന്ന് രക്ഷപ്പെടുത്തിയെങ്കിലും മരണപ്പെടുകയായിരുന്നു. കല്ലൂര്‍ കല്ലുമുക്ക് ഗവ. എല്‍.പി സ്‌കൂളിലെ ഒന്നാം ക്ലാസ് വിദ്യാര്‍ഥിനിയാണ്. സഹോദരന്‍: അരവിന്ദ്.