പേരാമ്പ്ര: പേരാമ്പ്ര സി.കെ.ജി ഗവ കോളജില്‍ നാക് സംഘത്തിന്റെ സന്ദര്‍ശനം പൂര്‍ത്തിയായി. പ്രഫ. എസ്. ചന്ദ്രശേഖരന്റെ നേതൃത്വത്തിലുള്ള സംഘം കോളജിന്റെ ഭൗതിക സൗകര്യങ്ങള്‍ വിലയിരുത്തുകയും മന്ത്രി ടി.പി രാമകൃഷ്ണന്‍ ഉള്‍പ്പെടെയുള്ള ജനപ്രതിനിധികളുമായി ചര്‍ച്ച നടത്തി.  ഫിസിക്‌സ്, ഇക്കണോമിക്‌സ്, ഫിസിക്കല്‍ എഡ്യുക്കേഷന്‍, ലാംഗ്വേജ് ഡിപ്പാര്‍ട്ട്‌മെന്റുകള്‍, കോളജ് ഓഫിസ്, ഔഷധോദ്യാനം, ചേര്‍മല കോളനി നിവാസികള്‍ക്കായി നടത്തി കൊണ്ടിരിക്കുന്ന തയ്യല്‍ പരിശീലന കേന്ദ്രം  തുടങ്ങിയവ സന്ദര്‍ശിക്കുകയും ബന്ധപ്പെട്ട രേഖകള്‍ പരിശോധിക്കുകയും ചെയ്തു. മന്ത്രി ടി.പി. രാമകൃഷ്ണന്‍, കോളജ് പ്രിന്‍സിപ്പല്‍ ചിത്ര ഗംഗാധരന്‍, ജില്ലാ പഞ്ചായത്ത് സ്റ്റാന്റിങ് കമ്മിറ്റിയംഗം സുജാത മനക്കല്‍, എം.കുഞ്ഞമ്മത്, പി.ടി.എ വൈ പ്രസിഡന്റ് കെ. യു. നാരായണന്‍, പൂര്‍വ്വ വിദ്യാര്‍ഥി അഡ്വ. പ്രമോദ്, ഡോ. പി. രാമദാസ്, നാക് കോഓഡിറ്റേര്‍ പ്രതീഷ്, എന്നിവര്‍ നാക് സംഘവുമായി കൂടിക്കാഴ്ചക്ക് നേതൃത്വം നല്‍കി.