വെടിവച്ചത് രണ്ട് വിദ്യാര്‍ഥികള്‍

ലോസ് ആഞ്ചലസ്: അമേരിക്കന്‍ സ്‌കൂളിലുണ്ടായ വെടിവയ്പ്പില്‍ ഒരു വിദ്യാര്‍ഥി കൊല്ലപ്പെട്ടു. എട്ടു വിദ്യാര്‍ഥികള്‍ക്ക് പരിക്കേറ്റു. സ്‌കൂളിലെ രണ്ട് വിദ്യാര്‍ഥികളാണ് വെടിവയ്പ്പ് നടത്തിയത്. ഇവരെ പോലിസ് കസ്റ്റഡിയിലെടുത്തു. തോക്കുമായെത്തിയ വിദ്യാര്‍ഥികള്‍ രണ്ടു ക്ലാസുകളില്‍ കയറി വെടിയുതിര്‍ക്കുകയായിരുന്നു. ആക്രമണത്തിന്റെ കാരണം വ്യക്തമല്ല. പരിക്കേറ്റവരില്‍ ഏഴുപേരുടെ നില ഗുരുതരമാണ്. വെടിവയ്പ്പു നടന്നത് കൊളറാഡോയിലെ സ്‌കൂളിലാണ്. ഇവിടെ സ്‌കൂളുകളില്‍ തോക്കുമായെത്തി കുട്ടികള്‍ സഹപാഠികളെ വെടിവയ്ക്കുന്ന സംഭവങ്ങള്‍ മുന്‍പും ഉണ്ടായിട്ടുണ്ട്. സംഭവസ്ഥലത്തു നിന്ന് ഒരു കൈത്തോക്ക് കണ്ടെടുത്തിട്ടുണ്ട്. 1999ല്‍ കൊളംബിയനില്‍ സായുധരായ രണ്ടു വിദ്യാര്‍ഥികള്‍ നടത്തിയ വെടിവയ്പില്‍ അധ്യാപികയും 12 വിദ്യാര്‍ഥികളും കൊല്ലപ്പെട്ടിരുന്നു. 2017ല്‍ യു.എസിലെ വിവിധ സ്‌കൂളുകളില്‍ നടന്ന വെടിവയ്പുകളില്‍ 40,000 പേര്‍ കൊല്ലപ്പെട്ടിരുന്നു.