കേരള സ്റ്റാര്‍ട്ടപ്പ് മിഷന്റെ മേല്‍നോട്ടത്തിലുള്ള ടെക്‌നോളജി സ്റ്റാര്‍ട്ടപ്പായ എംബ്രൈറ്റ് ഇന്‍ഫോടെക് അധ്യാപനത്തിനും പഠനത്തിനുമുള്ള സമഗ്ര സംവിധാനമായ 'എജ്യുയോസ്‌കസ് എക്‌സ്ആര്‍' പ്ലാറ്റ്‌ഫോം പുറത്തിറക്കി.

അധ്യാപകരുടെ സഹായത്തോടെ വിദ്യാര്‍ഥികള്‍ക്ക് മൂല്യവത്തായ വിദ്യാഭ്യാസവും നൈപുണ്യവികസനവും പ്രദാനം ചെയ്യുകയാണ് ലക്ഷ്യം. 14 വയസു മുതല്‍ വിദ്യാര്‍ഥികളെ ജോലിനല്‍കുന്നവരായും ജോലിതേടുന്നവരായും മാറ്റുന്നതിന് ഊന്നല്‍ നല്‍കുന്ന സോഷ്യല്‍ കമ്മ്യൂണിറ്റി അക്കാദമിക് മാനേജ്‌മെന്റ് പ്ലാറ്റ്‌ഫോമാണിത്. ഓഗ്‌മെന്റഡ് റിയാലിറ്റി (എ.ആര്‍) ഉപയോഗപ്പെടുത്തി മികച്ച ആശയവിനിമയമുള്ള ക്ലാസുകള്‍ രൂപപ്പെടുത്തുന്നതിനും ലഭ്യമാക്കുന്നതിനും ഈ പ്ലാറ്റ്‌ഫോം സഹായകമാണ്.

തത്സമയപഠനം, അറ്റന്‍ഡന്‍സ് മാനേജ്‌മെന്റ്, അസൈന്‍മെന്റ് സമര്‍പ്പണം, അവലോകനം എന്നിവ അനായാസം സാധ്യമാണെന്നതാണ് എ.ആര്‍ ഉപയുക്തമാക്കിയ ഈ പ്ലാറ്റ്‌ഫോമിലൂടെയുള്ള അധ്യാപന നേട്ടങ്ങള്‍.