പൊന്മുണ്ടം: ഈ വിദ്യാഭ്യാസ വര്‍ഷത്തില്‍ തന്നെ പൊന്മുണ്ടം ഗവ:ഹയര്‍ സെക്കന്‍ഡറി സ്‌കൂളിന് പുതിയ സ്ഥലത്ത് കെട്ടിട നിര്‍മാണമാരംഭിക്കുന്നതിനാവശ്യമായ നടപടികള്‍ എടുക്കുമെന്ന് വി. അബ്ദുറഹ്മാന്‍ എം.എല്‍.എ അറിയിച്ചു. കൂടാതെ 40 ലക്ഷം രൂപ എം.എല്‍.എ ഫണ്ടില്‍ നിന്നും എച്ച്.എസ്.എസ് ലാബ് നിര്‍മാണത്തിനായി അനുവദിച്ചതായും അദ്ദേഹം പറഞ്ഞു.
സ്‌കൂളിന്റെ പി.ടി.എ ജനറല്‍ ബോഡി യോഗം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. മികച്ച വിജയം നേടിയ കുട്ടികള്‍ക്കുള്ള അവാര്‍ഡ്ദാനവും അദ്ദേഹം നിര്‍വഹിച്ചു.
ജില്ലാ പഞ്ചായത്ത് മെമ്പര്‍ ഹനീഫ പുതുപ്പറമ്പ് അധ്യക്ഷനായി. പൊന്മുണ്ടം ഗ്രാമ പഞ്ചായത്ത് പ്രസിഡന്റ് സുബൈര്‍ ഇളയോടത്ത്, ബ്ലോക്ക് പഞ്ചായത്ത് മെമ്പര്‍മാരായ കുണ്ടില്‍ ഹാജറ, സീനത്ത് ടി, ഗ്രാമ പഞ്ചായത്ത് അംഗങ്ങളായ അബ്ദുല്‍ ഗഫൂര്‍, മന്‍സൂര്‍ അലി, അബ്ദുല്‍ ഗഫൂര്‍, എച്ച്.എം മുഹമ്മദ് മന്‍സൂര്‍, മുന്‍ എച്ച്.എം കെ.പി രമേഷ്‌കുമാര്‍, പി.ടി.എ പ്രസിഡന്റ് ഒ.അലവി, ലക്ഷ്മി നാരായണന്‍, മുസ്തഫ മാഷ്, എസ്.എം.സി ചെയര്‍മാന്‍ എന്‍ കുഞ്ഞിപ്പ എന്നിവര്‍ ആശംസകളര്‍പ്പിച്ചു.