തളിപ്പറമ്പ്: മുഖ്യതെരഞ്ഞെടുപ്പ് ഓഫിസര്‍ ടിക്കാറാം മീണ നട്ടപ്രാന്തനെപ്പോലെയാണ് പെരുമാറിയതെന്ന് സി.പി.എം കണ്ണൂര്‍ ജില്ലാ സെക്രട്ടറി എം.വി ജയരാജന്‍. സി.പി.എം ബക്കളം ലോക്കല്‍ കമ്മിറ്റി സംഘടിപ്പിച്ച രാഷ്ട്രീയ വിശദീകരണ യോഗം ഉദ്ഘാടനം ചെയ്യുകയായിരുന്നു അദ്ദേഹം.
തങ്ങള്‍ ദൈവത്തിന്റെ സംരക്ഷകരാണെന്നാണ് ചിലര്‍ അവകാശപ്പെടുന്നത്. ദൈവം കൂടുതല്‍ സുഖത്തില്‍ കഴിയുന്നത് സി.പി.എം ഭൂരിപക്ഷമുള്ള മേഖലയിലാണ്. പറശിനിക്കടവില്‍ മുത്തപ്പന്‍ എത്രസുഖമായാണ് കഴിയുന്നതെന്ന് അറിയാമോയെന്ന് എം.വി ജയരാജന്‍ ചോദിച്ചു. ശബരിമല സ്ത്രീ പ്രവേശന വിഷയത്തില്‍ അനുകൂല നിലപാടുള്ള ആര്‍.എസ്.എസ്, ബി.ജെ.പി നേതൃത്വം ശബരിമലയിലുണ്ടായ അക്രമസംഭവങ്ങളില്‍ ജയിലില്‍ കഴിയേണ്ടിവന്ന സാധാരണക്കാരായ ആര്‍.എസ്.എസ്, ബി.ജെ.പി പ്രവര്‍ത്തകരോട് മാപ്പുപറയണമെന്നും ആദ്ദേഹം പറഞ്ഞു.