തിരുവനന്തപുരം: എസ്.എസ്.എല്‍.സി ഉത്തരക്കടലാസുകളുടെ പുനര്‍മൂല്യനിര്‍ണയം, സൂക്ഷ്മ പരിശോധന, ഫോട്ടോ കോപ്പി എന്നിവക്കായുമള്ള അപേക്ഷകള്‍ ഈ മാസം എട്ടു മുതല്‍12 വരെ ഓണ്‍ലൈനായി സമര്‍പ്പിക്കാം.
അപേക്ഷകളുടെ പ്രിന്റൗട്ടും ഫീസും അപേക്ഷകന്‍ തന്നെ സ്‌കൂള്‍ ഹെഡ്മാസ്റ്റര്‍മാര്‍ക്ക് 12ന് വൈകുന്നേരം അഞ്ചിനു മുന്‍പ് നല്‍കണം.
ഈ അപേക്ഷകള്‍ ഹെഡ്മാസ്റ്റര്‍മാര്‍ മെയ് 13നു വൈകുന്നേരം അഞ്ചിനു മുന്‍പായി ഓണ്‍ലൈന്‍ കണ്‍ഫര്‍മേഷന്‍ നല്‍കണം.
പുനര്‍മൂല്യനിര്‍ണയം, സൂക്ഷ്മ പരിശോധന, ഫോട്ടോ കോപ്പി എന്നിവക്ക് പേപ്പര്‍ ഒന്നിന് യഥാക്രമം 400,50, 200 എന്നതാണ് ഫീസ്. ഫലം ഈ മാസം 31 നകം വെബ്‌സൈറ്റില്‍ പ്രസിദ്ധീകരിക്കും.
ഉത്തരക്കടലാസിന്റെ ഫോട്ടോകോപ്പിയും മെയ് 31നുള്ളില്‍ നല്‍കും. ടി.എച്ച്.എസ്.എസ്.എല്‍.സി, എ.എച്ച്.എസ്.എസ്.എല്‍.സി ഉള്‍പ്പെടെയുള്ളവയുടെ സേ പരീക്ഷയും 22 മുതല്‍ 26 വരെ നടക്കും. ജൂണ്‍ ആദ്യവാരം ഫലപ്രഖ്യാപനം നടത്തും. തെരഞ്ഞെടുത്ത കേന്ദ്രങ്ങളിലാകും സേ പരീക്ഷ.