കൊട്ടിയം: പി.എച്ച്.സിയുടെ നേതൃത്വത്തില്‍ കൊട്ടിയത്തിന് സമീപമുള്ള വെള്ളക്കെട്ടുള്ള വീടുകള്‍ കേന്ദ്രീകരിച്ച് സന്ദര്‍ശനം നടത്തി.
ചിറയും വയലും ഉള്ള ഭാഗങ്ങളിലെ ഏതാനും വീടുകളിലാണ് ഇപ്പോഴും ഒലിച്ചുപോകാതെ വെള്ളം കെട്ടിനില്‍ക്കുന്നത്. ഇവിടെ എലികള്‍ ധാരാളമുള്ളതിനാല്‍ മുന്‍കരുതലെന്ന രീതിയിലാണ് വീടുകളില്‍ സന്ദര്‍ശനം നടത്തിയതെന്ന് ആരോഗ്യവിഭാഗം അധികൃതര്‍ അറിയിച്ചു.
എലിപ്പനി ബോധവല്‍ക്കരണത്തിന്റെ ഭാഗമായി എലിനശീകരണ രീതികള്‍ ആണ് സംഘം വീടുകളിലെത്തി മുഖ്യമായും പറഞ്ഞുകൊടുത്തത്.
ബോധവല്‍കരണത്തിന് എച്ച്.ഐ ഗോപകുമാര്‍ നേതൃത്വം നല്‍കി.