പേരാമ്പ്ര: യൂത്ത് കോണ്‍ഗ്രസ് സംസ്ഥാന പ്രസിഡന്റ് ഡീന്‍ കുര്യാക്കോസ് നയിക്കുന്ന യൂത്ത് മാര്‍ച്ചിന് പേരാമ്പ്രയില്‍ സ്വീകരണം നല്‍കി. യതീംഖാന പരിസരത്തുനിന്ന് ജാഥയെ ബാന്‍ഡ് വാദ്യങ്ങളുടെ അകമ്പടിയോടെ മാര്‍ക്കറ്റ് പരിസരത്തേക്ക് ആനയിച്ചു.
സ്വീകരണ സമ്മേളനം എ.പി അബ്ദുല്ലക്കുട്ടി ഉദ്ഘാടനം ചെയ്തു. നിയോജക മണ്ഡലം പ്രസിഡന്റ് എസ്. സുനന്ദ് അധ്യക്ഷനായി. കെ.പി.സി.സി ജനറല്‍ സെക്രട്ടറി എന്‍. സുബ്രഹ്മണ്യന്‍, സെക്രട്ടറി കെ. പ്രവീണ്‍ കുമാര്‍, ഡി.സി.സി പ്രസിഡന്റ് ടി. സിദ്ദീഖ്, ജില്ലാ കോണ്‍ഗ്രസ് കമ്മിറ്റി സെക്രട്ടറിമാരായ സത്യന്‍ കടിയങ്ങാട്, മുനീര്‍ എരവത്ത്, പി. വാസു, ഇ. അശോകന്‍, ഇ.വി രാമചന്ദ്രന്‍, കെ.കെ വിനോദന്‍, ബ്ലോക്ക് കോണ്‍ഗ്രസ് പ്രസിഡന്റുമാരായ രാജന്‍ മരുതേരി, കെ.പി വേണുഗോപാല്‍, ജിതേഷ് മുതുകാട് സംസാരിച്ചു.
ഡീന്‍ കുര്യാക്കോസ്, അഖിലേന്ത്യാ സെക്രട്ടറി രവീന്ദ്രദാസ്  ജാഥക്ക് നല്‍കിയ സ്വീകരണത്തിന് നന്ദി അര്‍പ്പിച്ചു.