ജിദ്ദ: ജിദ്ദയിലെ ശറഫിയയില്‍ വച്ച് മലയാളിക്ക് അജ്ഞാത സംഘത്തിന്റെ വെടിയേറ്റു. മലപ്പുറം കൊണ്ടോട്ടി കുന്നുംപുറം സ്വദേശിക്കാണ് കഴിഞ്ഞ ദിവസം പുലര്‍ച്ചെ വെടിയേറ്റത്. ശറഫിയ പോസ്റ്റ് ഓഫിസ് റോഡിലെ പെട്രോള്‍ പമ്പില്‍ നിന്ന് നൂറു മീറ്റര്‍ അകലെയാണ് സംഭവം. സുഹൃത്തിന്റെ കൂടെ വാഹനത്തില്‍ വരുമ്പോള്‍ ആണ് വെടിയേറ്റത്.

ഇവര്‍ സഞ്ചരിച്ച വാഹനം തടഞ്ഞുനിര്‍ത്തി അക്രമി സംഘം പണം ആവശ്യപ്പെട്ടു. ഇതിനിടെ വാഹനത്തില്‍ നിന്ന് ഇറങ്ങി ഒടാന്‍ ശ്രമിക്കുമ്പോള്‍ ആണ് കുന്നുംപുറം സ്വദേശിക്ക് വെടിയേറ്റത്. കാലിനും കൈക്കുമാണ് വെടിയേറ്റത്. പൊലിസ് എത്തിയാണ് ഇയാളെ ആശുപത്രിയിലേക്ക് മാറ്റിയത്. അക്രമി സംഘത്തിനായി പൊലിസ് അന്വേഷണം ആരംഭിച്ചു.