ചെന്നൈ: വനിതാ എസ്.പി.ക്കുനേരേ ലൈംഗികാതിക്രമം നടത്തിയ കേസില്‍ മുന്‍ ഐ.ജി.ക്ക് അറസ്റ്റ് വാറന്റ്. പീഡനക്കേസില്‍ തുടര്‍ച്ചയായി വിചാരണയ്ക്ക് ഹാജരാകാത്ത മുന്‍ ഐ.പി.എസ് ഉദ്യോഗസ്ഥന്‍ എസ് മുരുകനെതിരെയാണ് ചെന്നൈ സൈദാപേട്ട് മജിസ്‌ട്രേറ്റ് കോടതി അറസ്റ്റ് വാറന്റ് പുറപ്പെടുവിച്ചത്. 

തമിഴ്‌നാട് വിജിലന്‍സില്‍ ജോയിന്റ് ഡയറക്ടറായി പ്രവര്‍ത്തിക്കുമ്പോള്‍ 2017-18 കാലത്താണ് കീഴുദ്യോഗസ്ഥയ്ക്കുനേരേ ലൈംഗികാതിക്രമം കാട്ടിയത്. ക്രൈംബ്രാഞ്ചാണ് കേസ് അന്വേഷിച്ചത്. കേസില്‍ സ്ത്രീപിഡന നിരോധന നിയമം ഉള്‍പ്പെടെ ചുമത്തിയാണ് കുറ്റപത്രം സമര്‍പ്പിച്ചത്. 

ഈ വര്‍ഷമാദ്യം മുരുകനെതിരെയുള്ള കോടതി നടപടികള്‍ക്കും അച്ചടക്ക നടപടികള്‍ക്കും ഗവര്‍ണര്‍ അനുമതി നല്‍കിയിരുന്നു.