കൊല്‍ക്കത്ത: ക്രോയേഷ്യയുടെ ഇഗോര്‍ സ്റ്റിമാച് ഇന്ത്യന്‍ ഫുട്‌ബോള്‍ ടീമിന്റെ പരിശീലകനായി ചുമതലയേറ്റു. ചുമതലയേറ്റതിന് ശേഷം സ്റ്റിമച് തന്റെ സന്തോഷം ട്വിറ്ററിലൂടെ അറിയിക്കുകയും ചെയ്തു. താന്‍ അതീവ സന്തോഷവാനാണെന്ന് സ്റ്റിമാച് അറിയിച്ചു.
ഒരുപാട് കാലമായി താന്‍ ആഗ്രഹിച്ച യാത്ര ആരംഭിക്കാന്‍ പോകുകയാണെന്നും ഇന്ത്യയെ പരിശീലിപ്പിക്കാന്‍ കഴിയുന്നതില്‍ സന്തോഷമു@െണ്ടന്നും സ്റ്റിമാച് ട്വിറ്ററില്‍ കുറിച്ചു. തന്നില്‍ വിശ്വാസമര്‍പ്പിച്ച ഇന്ത്യന്‍ ഫുട്‌ബോള്‍ അസോസിയേഷനോട് സ്റ്റിമാച് നന്ദി പറഞ്ഞു.
എല്ലാവരും കൂടെയുണ്ടെങ്കില്‍ മാത്രമേ ഇന്ത്യന്‍ ഫുട്‌ബോളിന് ലക്ഷ്യങ്ങള്‍ കീഴടക്കാനാകൂ. ലക്ഷ്യത്തിലേക്കുള്ള യാത്രയില്‍ എല്ലാവരും കൂടെയുണ്ടാകണമെന്നും സ്റ്റിമാച്ച് പറഞ്ഞു.
ഇന്ത്യയിലെ മുഴുവന്‍ ആളുകളുടെയും പിന്തുണ ലഭിച്ചാല്‍ മാത്രമേ ഫുട്‌ബോളിലെ ലക്ഷ്യങ്ങള്‍ നേടാന്‍ കഴിയൂ എന്നും താന്‍ ടീം വര്‍ക്കിലാണ് വിശ്വസിക്കുന്നത് എന്നും സ്റ്റിമാച് പറഞ്ഞു.
കിങ്‌സ് കപ്പിനുള്ള ടീമിനെ ഒരുക്കുന്നതിനായി ഉടന്‍ തന്നെ സ്റ്റിമാച്ച് ടീമിനൊപ്പം ചേരുമെന്ന് ഇന്ത്യന്‍ ഫുട്‌ബോള്‍ ഫെഡറേഷന്‍ അറിയിച്ചു.