കൊയിലാണ്ടി: കാറ്റിലും മഴയിലും വീടിന്റെ മേല്‍ക്കൂര തകര്‍ന്നു. കോമത്തുകര കൈലാസ് വീട്ടില്‍ മാളുവിന്റെ വീടിന്റെ മേല്‍ക്കൂരയാണ് കഴിഞ്ഞ ദിവസം രാത്രിയിലുണ്ടായ ശക്തമായ കാറ്റിലും മഴയിലും തകര്‍ന്നത്. അഞ്ചോളം പേര്‍ വീട്ടിലുണ്ടായിരുന്നു. ഇടിയും മഴയും ശക്തമായതോടെ ഇവര്‍ അടുത്ത വീട്ടിലേക്കു മാറിയ ഉടനെ മേല്‍ക്കൂര തകര്‍ന്നുവീഴുകയായിരുന്നു. വീട്ടില്‍നിന്ന് ഒഴിഞ്ഞു മാറിയതിനാല്‍ വന്‍ദുരന്തം ഒഴിവാകുകയായിരുന്നു. പന്തലായനി വില്ലേജ് ഓഫിസ് അധികൃതരും ജനപ്രതിനിധികളും സ്ഥലം സന്ദര്‍ശിച്ചു.