തിരുവനന്തപുരം: മൈനാഗപ്പള്ളിയില്‍ സ്‌കൂട്ടര്‍ യാത്രക്കാരിയെ ഇടിച്ചു വീഴ്ത്തി മദ്യലഹരിയില്‍ കാര്‍ കയറ്റി കൊലപ്പെടുത്തിയ കേസില്‍ കാറിന്റെ ഇന്‍ഷുറന്‍സ് പോളിസി പുതുക്കിയത് അപകടത്തിനു ശേഷം. കെഎല്‍ 23 ക്യൂ 9347 എന്ന കാറിടിച്ചാണ് മൈനാഗപ്പള്ളി ആനൂര്‍ക്കാവ് പഞ്ഞിപ്പുല്ലുവിശ കുഞ്ഞുമോള്‍(45) കൊല്ലപ്പെട്ടത്.

ഈ വാഹനത്തിന്റെ ഇന്‍ഷുറന്‍സിന്റെ കാലാവധി 13ന് അവസാനിച്ചിരുന്നു.  അപകടത്തിനു ശേഷമാണ് യുനൈറ്റഡ് ഇന്ത്യ ഇന്‍ഷുറന്‍സ് കമ്പനിയില്‍ നിന്ന് തുടര്‍പോളിസി ഓണ്‍ലൈന്‍ വഴി എടുത്തിരിക്കുന്നത്. 16 മുതല്‍ ഒരു വര്‍ഷത്തേക്കാണ് പുതിയ പോളിസി. പ്രതി അജ്മലിന്റെ സുഹൃത്തിന്റെ മാതാവിന്റെ പേരിലുള്ളതാണ് കാര്‍.

മൈനാഗപ്പള്ളിയിലെ സുഹൃത്തിനൊപ്പം ഓണാഘോഷവും മദ്യസല്‍ക്കാരവും കഴിഞ്ഞു മടങ്ങുമ്പോഴായിരുന്നു അപകടം. കാര്‍ ഉടമയെ വിശദമായി ചോദ്യം ചെയ്യുമെന്നും പൊലിസ്.  കേസില്‍ റിമാന്‍ഡില്‍ കഴിയുന്ന യുവ ഡോക്ടര്‍ ഉള്‍പ്പെടെയുള്ള പ്രതികളെ പൊലിസ് കസ്റ്റഡിയില്‍ വാങ്ങും. കരുനാഗപ്പള്ളി സ്വദേശി അജ്മല്‍ (29), നെയ്യാറ്റിന്‍കര സ്വദേശി ഡോ. ശ്രീകുട്ടി(27) എന്നിവരാണ് അറസ്റ്റിലായത്. കാര്‍ ഓടിച്ചിരുന്നത് അജ്മലായുരുന്നു.

ഇയാള്‍ക്കെതിരേ മനപ്പൂര്‍വമുള്ള നരഹത്യക്കും  അപകടം നടന്നപ്പോള്‍ രക്ഷാപ്രവര്‍ത്തനം നടത്താതെ കാര്‍ ഓടിച്ചു പോകാന്‍ നിര്‍ബന്ധിച്ചെന്ന പേരില്‍ ശ്രീകുട്ടിക്കെതിരേയും പ്രേരണാക്കുറ്റം ചുമത്തിയുമാണ് കേസ്. മാത്രമല്ല അജ്മലിന്റെ ഡ്രൈവിങ് ലൈസന്‍സ് റദ്ദാക്കാനുള്ള  നടപടികളും തുടങ്ങി. അപകട ശേഷം നിര്‍ത്താതെ പോയ പ്രതികളെ സാഹസികമായി പിന്തുടര്‍ന്നു പിടികൂടിയവര്‍ക്കെതിരേ പൊലിസ് കേസെടുത്തു.

In Mynagappally, a scooter rider named Kunjumol (45) from Anoorkkavu, was killed after being knocked down by a car driven under the influence of alcohol. It was later revealed that the insurance policy of the car (KL 23 Q 9347) was renewed after the accident.