തുറവൂര്‍: കുത്തിയതോട് എസ്.ഐയെ അപകീര്‍ത്തിപ്പെടുത്തുന്ന തരത്തില്‍ ഫേസ്ബുക്ക് പോസ്റ്റിട്ട യുവാവിനെ അറസ്റ്റ് ചെയ്തു.
ചേര്‍ത്തല തെക്ക് പഞ്ചായത്തില്‍ കുറുപ്പംകുളങ്ങര പാവത്താന്‍ വീട്ടില്‍ രാജിത്തിനെ (27) യാണ് കുത്തിയതോട് സി.ഐ.കെ സജീവനും സംഘവും പിടികൂടിയത്.
2016 നവംബര്‍ ആറിനാണ് കേസിന് ആസ്പദമായ സംഭവം. വളമംഗലത്ത് ബാലികാസദനത്തില്‍ വിവാഹ ചടങ്ങിനിടെയുണ്ടായ തര്‍ക്കത്തിനൊടുവിലാണ് അന്നത്തെ എസ്.ഐ. എ.എല്‍ അഭിലാഷിന് മര്‍ദനമേറ്റത്.
അന്നേ ദിവസം രാത്രിയാണ് രാജിത് ഫെയ്‌സ് ബുക്ക് പേജില്‍ എസ്.ഐ അഭിലാഷിനെതിരേ അശ്ലീല പോസ്റ്റിട്ടത്.