കണ്ണൂര്‍: മുഖം മറച്ചു വോട്ട് ചെയ്യാന്‍ വരുന്നത് ശരിയല്ലെന്ന് കണ്ണൂര്‍ മണ്ഡലം എല്‍.ഡി.എഫ് സ്ഥാനാര്‍ഥി പി. കെ ശ്രീമതി. തിരിച്ചറിയാന്‍ മുഖം കാണണം. അതാണ് ന്യായം. ഇക്കാര്യത്തില്‍ തെരഞ്ഞെടുപ്പ് കമ്മിഷന്‍ ചട്ടം നടപ്പാക്കണമെന്നും പി. കെ ശ്രീമതി പറഞ്ഞു. തെരഞ്ഞെടുപ്പ് നിയമം എല്ലാവര്‍ക്കും എല്ലായിടത്തും ഒരുപോലെ നടപ്പിലാക്കണം. ഈ കാര്യത്തില്‍ തെരഞ്ഞെടുപ്പ് കമ്മിഷന്‍ ശക്തമായി ഇടപെടണമെന്നും ശ്രീമതി പറഞ്ഞു.

കള്ളവോട്ട് ആരോപണം കണ്ണൂരിനെ അപമാനിക്കുന്നതല്ല. അങ്ങനെയൊന്നും കണ്ണൂരിനെ അപമാനിക്കാനും സാധിക്കില്ല. സോഷ്യല്‍ മീഡിയയില്‍ ഉള്‍പ്പെടെ ചിലര്‍ അതിന് ശ്രമിക്കുന്നുണ്ട്. അത് അവസാനിപ്പിക്കണമെന്നാണെന്നും പി. കെ ശ്രീമതി ടീച്ചര്‍ പറഞ്ഞു.

റീപോളിങിലും നല്ല മുന്നേറ്റം ഉണ്ടാകുമെന്നാണ് പ്രതീക്ഷ. എല്‍.ഡി.എഫിന്റെ പ്രവര്‍ത്തകര്‍ മാത്രമല്ല കണ്ണൂരിലെ ജനങ്ങളും പ്രതീക്ഷിക്കുന്നത് അതുതന്നെയാ ണെന്നും പി. കെ ശ്രീമതി കൂട്ടിചേര്‍ത്തു.

കള്ളവോട്ട് കണ്ടെത്തിയ ഏഴ് മണ്ഡങ്ങളില്‍ റീപോളിങ് നടത്താന്‍ കേന്ദ്ര തെരഞ്ഞെടുപ്പ് കമ്മിഷന്‍ നിര്‍േദശിച്ചിരുന്നു. സംസ്ഥാന മുഖ്യ തെരഞ്ഞെടുപ്പ് ഓഫീസര്‍ ടിക്കാറാം മീണയുടെ റിപ്പോര്‍ട്ടിന്റെ അടിസ്ഥാനത്തിലായിരുന്നു കേന്ദ്ര തെരഞ്ഞെടുപ്പ് കമ്മീഷന്റെ നിര്‍ദേശം.