പാലക്കാട്: അലനല്ലൂര്‍ വിശ്വശാന്തി ചാരിറ്റബിള്‍ ട്രസ്റ്റിന്റെ നേതൃത്വത്തില്‍ മേല്‍തൃക്കോവില്‍ സന്നിധിയിലെ വേദവ്യാസപുരിയില്‍ 20 മുതല്‍ 25 വരെ മഹാഗായത്രിയാഗം നടക്കുമെന്ന് ട്രസ്റ്റ് ചെയര്‍മാന്‍ തുളസിദാസ് വാര്‍ത്താസമ്മേളനത്തില്‍ അറിയിച്ചു.
 20ന് വൈകുന്നേരം നാലിന് മലബാര്‍ ദേവസ്വം പ്രസിഡന്റ് സജീവ് മാറോളി യാഗം ഉദ്ഘാടനം ചെയ്യും. എക്‌സിബിഷന്‍ മുന്‍ ഡെപ്യൂട്ടി സ്പീക്കര്‍ ജോസ് ബേബി ഉദ്ഘാടനം ചെയ്യും. രാത്രി എട്ടളന് കഥകളി അവതരണം നടക്കും. 21ന് പ്രമുഖരുടെ അധ്യാത്മിക പ്രഭാഷണങ്ങളുണ്ടാകും.
22ന് അധ്യാത്മിക പ്രാഭഷണങ്ങള്‍ക്കൊപ്പം വൈകുന്നേരം നാലിന് നടക്കുന്ന സാംസ്‌കാരിക സമ്മേളനം മുന്‍ പി.എസ്.സി ചെയര്‍മാന്‍ ഡോ. കെ.എസ് രാധാകൃഷ്ണന്‍ ഉദ്ഘാടനം ചെയ്യും. 23ന് അധ്യാത്മിക പ്രഭാഷണങ്ങളും 24ന് രാവിലെ ഒന്‍പതിന് സ്വാമി സദ്ഭവാനന്ദ ഉദ്ഘാടനം നിര്‍വ്വഹിക്കുന്ന സന്ന്യാസി സഭയും ഉച്ചക്ക് 2.30 ന് കേരള ക്ഷേത്ര സമിതി സംസ്ഥാന ജനറല്‍ സെക്രട്ടറി നാരയണന്‍കുട്ടി ഉദ്ഘാടനം ചെയ്യുന്ന യജ്ഞാചാര്യന്മാരെ ആദരിക്കുന്ന ചടങ്ങും ഉണ്ടാവും.
അന്ന് വൈകുന്നേരം ഏഴിന് പ്രിയദര്‍ശന്‍ ലാല്‍ കോഴിക്കോട് പ്രഭാഷണ നടത്തും. രാത്രി 8.30ന് കളരിപ്പയറ്റ് നടക്കും.
25ന് നടക്കുന്ന സമാപനം സമ്മേളനം പ്രതിപക്ഷ നേതാവ് രമേശ് ചെന്നിത്തല ഉദ്ഘാടനം ചെയ്യും.
സ്വാമി പ്രഭാകരാനന്ദ സരസ്വതി, പാണക്കാട്മുനവ്വറലി ശിഹാബ് തങ്ങള്‍, മാര്‍ അന്‍ഡ്രൂസ് താഴത്ത് മുഖ്യ പ്രഭഷണം നടത്തും. രാത്രി ഒന്‍പതിന് പെരുംകളിയാട്ടം, തെയ്യം അവതരിപ്പിക്കും. വാര്‍ത്താ സമ്മേളനത്തില്‍ ഡോ. ശിവസ്വാമിയും പങ്കെടുത്തു.