കുന്ദമംഗലം: നീറ്റ് പരീക്ഷ എഴുതി തിരിച്ചുപോകുന്നവരുടെ തിരക്കില്‍ കുന്ദമംഗലം ടൗണില്‍ മണിക്കുറുകളോളം ഗതാഗതക്കുരുക്ക് അനുഭവപ്പെട്ടു.
കുന്ദമംഗലത്തെ രണ്ട് സ്വകാര്യ എയഡഡ് സ്ഥാപനങ്ങളിലും ദയാപുരം റസിഡന്‍ഷ്യല്‍ സ്‌കൂള്‍, എന്‍.ഐ.ടി സ്പ്രിങ് വാലി സ്‌കൂള്‍, ജെ.ഡി.ടി തുടങ്ങിയസ്ഥാപനങ്ങളിലും പരീക്ഷക്കെത്തിയ വിദ്യാര്‍ഥികളും രക്ഷിതാക്കളും വാഹനങ്ങളില്‍ തിരിച്ചുപോകുമ്പോഴാണ് കുന്ദമംഗലത്ത് മണിക്കൂറുകളോളം ഗതാഗതക്കുരുക്ക് അനുഭവപ്പെട്ടത്. അധികൃതര്‍ വേണ്ടത്ര മുന്നൊരുക്കങ്ങല്‍ നടത്താത്തതും ഗതാഗതക്കുരുക്ക് വര്‍ധിക്കാന്‍ കാരണമായി.