തിരുവനന്തപുരം: തിരുവനന്തപുരം മെഡിക്കല്‍ കോളജ് ആശുപത്രിയില്‍ കൊവിഡ് ബാധിതന്റെ മൃതദേഹം മാറി നല്‍കി. കൊവിഡ് ബാധിച്ച് മരിച്ച വെണ്ണിയൂര്‍ സ്വദേശിയുടെ ബന്ധുക്കള്‍ക്കാണ് കൊവിഡ് ബാധിച്ച് മരിച്ച അജ്ഞാതന്റെ മൃതദേഹം മാറിനല്‍കിയത്.

ആശുപത്രി അധികൃതര്‍ പിന്നീട് നടത്തിയ പരിശോധനയിലാണ് മൃതദേഹം മാറിനല്‍കിയ കാര്യം അറിഞ്ഞത്. സംഭവത്തില്‍ മെഡിക്കല്‍ കോളജ് പ്രിന്‍സിപ്പല്‍ അന്വേഷണത്തിന് ഉത്തരവിട്ടു.

അതേസമയം സംസ്‌കരിക്കുന്നതിന് തൊട്ടുമുന്‍പ് വെണ്ണിയൂര്‍ സ്വദേശിയുടെ മകന്‍ മൃതദേഹം തിരിച്ചറിഞ്ഞിരുന്നുവെന്ന് വിഴിഞ്ഞം പൊലിസ് മെഡിക്കല്‍ കോളജ് ആശുപത്രി അധികൃതരെ അറിയിച്ചിരുന്നുവെന്നും മെഡിക്കല്‍ കോളജ് അധികൃതര്‍ വിശദീകരിക്കുന്നു.