മദീന: ഗൂഡല്ലൂര്‍ മാക്ക്മൂല സ്വദേശി സൈതലവി എന്ന ബാവ (43) മദീനക്കടുത്ത് യാമ്പുവില്‍ ഹൃദയാഘാതത്താല്‍ മരിച്ചു. ഏഴു വര്‍ഷമായി യാമ്പു റോയല്‍ കമ്മിഷനില്‍ ഹൗസ് ഡ്രൈവറായി ജോലി ചെയ്യുകയായിരുന്നു. ഞായറാഴ്ച രാവിലെ സുബ്ഹ് നിസ്‌കാരം കഴിഞ്ഞ് റൂമിലേക്ക് മടങ്ങുന്നതിനിടയില്‍ കുഴഞ്ഞുവീണ സൈതലവിയെ സ്‌പോണ്‍സറും സുഹൃത്തുക്കളും ആശുപത്രിയിലെത്തിച്ചെങ്കിലും മരിച്ചു. അടുത്തമാസം നാട്ടി ലേക്ക് പോകാന്‍ വിമാനടിക്കറ്റെടുത്ത് ഒരുക്കങ്ങള്‍ പൂര്‍ത്തിയാക്കുന്നതിനിടയിലാണ് മരണം. ഭാര്യ: നജ്മ. മാതാവ്: ആസ്യ. മൂന്നു ആണ്‍മക്കളുണ്ട്. യാമ്പു റോയല്‍ കമ്മിഷന്‍ ആശുപത്രിയിലുള്ള സൈതലവിയുടെ മൃതദേഹം നടപടികള്‍ പൂര്‍ത്തിയാക്കി യാമ്പുവില്‍ തന്നെ സംസ്‌കരിക്കുവാനാണ് തീരുമാനമെന്ന് ബന്ധുക്കളും സുഹൃത്തുക്കളും അറിയിച്ചു.