ലണ്ട@ന്‍: സീസണില്‍ മികച്ച പ്രകടനം കാഴ്ചവച്ച് വിന്‍സന്റ് കൊംപാനി മാഞ്ചസ്റ്റര്‍ സിറ്റിയില്‍നിന്ന് പടിയിറങ്ങി.
11 വര്‍ഷത്തെ സിറ്റി കരിയറിന് ശേഷമാണ് കൊംപാനി മടങ്ങുന്നത്. ബെല്‍ജിയം ക്ലബായ ആന്‍ഡെര്‍ലെക്ടിലേക്കാണ് 33 കാരനായ താരം പോകുന്നത്. കൊംപാനിയുടെ ഫുട്‌ബോള്‍ കരിയറിന് തുടക്കം കുറിച്ച ക്ലബാണ് ആന്‍ഡെര്‍ലെക്ട്. മാനേജര്‍ കം പ്ലയര്‍ എന്ന ഉത്തരവാദിത്തവുമായിട്ടാണ് കൊംപാനി ആന്‍ഡെര്‍ലെക്ടിലേക്ക് പോകുന്നത്. 2008ല്‍ സിറ്റിയിലെത്തിയ കൊംപാനി 360 മത്സരങ്ങളില്‍ ബൂട്ട്‌കെട്ടിയിട്ടുണ്ട്.

പ്രതിരോധ താരമായ കൊംപാനി 18 ഗോളുകളും നേടിയിരുന്നു. ഈ സീസണില്‍ പ്രീമിയര്‍ ലീഗ്, എഫ്.എ കപ്പ്, ഇംഗ്ലീഷ് ലീഗ് കപ്പ് എന്നിവയില്‍ മുത്തമിട്ടാണ് കൊംപാനി നയിച്ച സിറ്റി ട്രിപ്പിള്‍ കിരീടം നേടിയത്. നാല് പ്രീമിയര്‍ ലീഗ് കിരീടം, ര@ണ്ട് തവണ എഫ്.എ കപ്പ്, നാല് ലീഗ് കപ്പ് എന്നീ കിരീടങ്ങളില്‍ സിറ്റിക്കൊപ്പം കൊംപാനി നേടിയിട്ടുണ്ട്. 2003 മുതല്‍ 2006 വരെ ആന്‍ഡെര്‍ലെക്ടിനു വേ@ണ്ടി ബൂട്ട്‌കെട്ടിയ കൊംപാനി 73 മത്സരങ്ങളില്‍ അഞ്ച് ഗോളുകളും നേടിയിട്ടുണ്ടണ്ട്. ഏറ്റവും ഉചിതമായ സമയത്താണ് തീരുമാനമെടുത്തതെന്നും സിറ്റിയിലെ എല്ലാ താരങ്ങള്‍ക്കും നന്ദി അറിയിക്കുന്നുവെന്നും കൊംപാനി പറഞ്ഞു.