കാഞ്ഞങ്ങാട്: വിദ്യാര്‍ഥിയെ ആക്രമിച്ച സംഭവത്തില്‍ ഹൊസ്ദുര്‍ഗ് പൊലിസ് കേസെടുത്തു. ഹൊസ്ദുര്‍ഗ് ഗവ.ഹയര്‍ സെക്കന്‍ഡറി സ്‌കൂളിലെ പത്താം ക്ലാസ് വിദ്യാര്‍ഥികളായ നൗഷാദ്, ഷഹീദ്, ലത്തീഫ്, സാബിത്ത് എന്നിവര്‍ക്കെതിരേയാണ് പൊലിസ് കേസെടുത്തത്. പത്താം ക്ലാസ് വിദ്യാര്‍ഥികളായ ഇവര്‍ ഇതേ സ്‌കൂളിലെ പ്ലസ്ടു വിദ്യാര്‍ഥിയായ ശരത് കുമാറിനെ  സംഘം ചേര്‍ന്നു അക്രമിച്ചതായാണു പരാതി. കഴിഞ്ഞ ദിവസം ശരത്തിനെ ഇവര്‍ ചീത്ത വിളിച്ചിരുന്നതായും ഇതു സംബന്ധിച്ചു ശരത് പ്രിന്‍സിപ്പാളിനോടു പരാതി പറഞ്ഞതിന്റെ വൈരാഗ്യത്തെ തുടര്‍ന്നു  ശരത്തിനെ അക്രമിച്ചുവെന്നുമാണു പരാതി.