ചെന്ത്രാപ്പിന്നി: ദേശീയപാത 17 ചെന്ത്രാപ്പിന്നിയില്‍ ബൈക്കും ബസും കൂട്ടിയിടിച്ച് ബൈക്ക് യാത്രികന് പരുക്കേറ്റു. എറണാകുളംചിറ്റൂര്‍ സ്വദേശി തപ്പലോടത്ത് ആന്റണി കെവിനാണ് പരുക്കേറ്റത്. ഇയാളെ ആക്ട്‌സ് പ്രവര്‍ത്തകര്‍ തൃശൂര്‍ വെസ്റ്റ് ഫോര്‍ട്ട് ആശുപത്രിയില്‍ പ്രവേശിപ്പിച്ചു. ഇന്നലെ രാവിലെ പത്തു മണിയോടെയായിരുന്നു അപകടം. കോഴിക്കോട് നിന്നും എറണാകുളത്തേക്ക് പോവുകയായിരുന്ന വലിയകത്ത് ബസില്‍ എതിരെ വന്ന ബൈക്ക് ഇടിക്കുകയായിരുന്നു. ബസ് ബ്രെയ്ക്കിട്ടതിനെ തുടര്‍ന്ന് പുറകില്‍ വന്ന കാറും ബസ്സിന് പുറകില്‍ ഇടിച്ചു. ബൈക്ക് യാത്രികന്‍ ഉറങ്ങിയതാണ് അപകട കാരണമെന്ന് പറയുന്നു. മതിലകം പൊലിസ് സ്ഥലത്തെത്തിയിരുന്നു.