കൊപ്പം : കുലുക്കല്ലൂര്‍ പ്രാഥമികാരോഗ്യ കേന്ദ്രത്തിന്റെയും ചുണ്ടംപറ്റ ഗവ: ഹൈസ്‌കൂളിന്റെയും സംയുക്താഭിമുഖ്യത്തില്‍ നടപ്പിലാക്കുന്ന 'എന്റെ വീട് കൊതുകില്ലാത്ത വീട് , ഞങ്ങളുടെ വിദ്യാലയം ശുചിത്വ വിദ്യാലയം' പരിപാടിക്ക് തുടക്കമായി. ഇതിന്റെ ഭാഗമായി സ്‌കൂളിലെ ആയിരത്തോളം വിദ്യാര്‍ത്ഥികള്‍ എല്ലാ ഞായറാഴ്ച്ചകളിലും അവരുടെ വീടും പരിസരവും പരിശോധിച്ച് കൊതുക് വളരുന്നില്ല എന്ന് ഉറപ്പാക്കാന്‍ 'ഡ്രൈ ഡെ' നടത്തും. ഇത് പ്രത്യേകം തയ്യാറാക്കിയ കാര്‍ഡില്‍ രേഖപ്പെടുത്തും. നവംബര്‍ മാസം വരെ ഇത് തുടരും.
ഏറ്റവും മികച്ച രീതിയില്‍ ചെയ്യുന്നവര്‍ക്ക് പാരിതോഷികവും നല്‍കും.  മെഡിക്കല്‍ ഓഫീസര്‍ ഡോ. രോഹിണി പരിപാടിയുടെ ഉദ്ഘാടനം നിര്‍വഹിച്ചു. ഹെഡ് മാസ്റ്റര്‍ സൈതലവി അധ്യക്ഷത വഹിച്ചു. ഹെല്‍ത്ത്ഇന്‍സ്‌പെക്ടര്‍ വി ടി മുഹമ്മദ് പരിപാടികള്‍ വിശദീകരിച്ചു. ബീന, പ്രസാദ്, അനില്‍ മാസ്റ്റര്‍, റഷീദ് മാസ്റ്റര്‍, റീന, അന്നമ്മ സംബന്ധിച്ചു