കോട്ടയം: യൂത്ത്ഫ്രണ്ട് (എം) സംസ്ഥാന കമ്മിറ്റിയുടെ ആഭിമുഖ്യത്തില്‍ മുന്‍ സംസ്ഥാന പ്രസിഡന്റ് ബാബു ചാഴിക്കാടന്റെ 26ാമതു ചരമവാര്‍ഷിക ദിനാചരണം 15ന് നടക്കും. രാവിലെ 6.30ന് അരീക്കരയിലുള്ള ബാബു ചാഴിക്കാടന്റെ കബറിടത്തിങ്കല്‍ പുഷ്പാചര്‍ച്ചന നടക്കും. തുടര്‍ന്ന് 9.30ന് വാര്യമുട്ടത്തെ സ്മൃതി മണ്ഡപത്തിലും പുഷ്പാചര്‍ച്ച നടക്കും. 10.30നു കേരള കോണ്‍ഗ്രസ് എം സംസ്ഥാന കമ്മിറ്റി ഓഫിസില്‍ ചേരുന്ന അനുസ്മരണ സമ്മേളനം പാര്‍ട്ടി ചെയര്‍മാന്‍ കെ.എം. മാണി ഉദ്ഘാടനം ചെയ്യും. യൂത്ത്ഫ്രണ്ട് എം സംസ്ഥാന പ്രസിഡന്റ് സജി മഞ്ഞക്കടമ്പില്‍ അധ്യക്ഷനാവും. സമ്മേളനത്തോടനുബന്ധിച്ച് യൂത്ത്ഫ്രണ്ട് പ്രവര്‍ത്തകര്‍ രക്തദാനവും നടത്തും.