തിരുവനന്തപുരം: ക്രിമിനല്‍ സ്വഭാവമുള്ള കേസുകളില്‍ സഭാംഗങ്ങള്‍ ഉള്‍പ്പെട്ടിട്ടുണ്ടെങ്കില്‍ അത് സഭ തന്നെ കൈകാര്യം ചെയ്യുന്ന രീതി ശരിയല്ലെന്ന് വി.എസ് അച്യുതാനന്ദന്‍. ജലന്ദര്‍ ബിഷപ്പിനെതിരായ പരാതിയില്‍ കുറ്റവാളികളെ നിയമത്തിനു മുമ്പില്‍ കൊണ്ടുവരുന്നതില്‍ കാലതാമസം വരുത്തരുതെന്നും വി.എസ് പറഞ്ഞു. നീതിക്കുവേണ്ടി സഭയിലെ കന്യാസ്ത്രീകള്‍ പരസ്യമായി പ്രക്ഷോഭരംഗത്തിറങ്ങേണ്ടി വന്നത് ഗൗരവതരമായ അവസ്ഥയാണെന്നും വി.എസ് പറഞ്ഞു.