തൊടുപുഴ: സ്‌കൂള്‍ ക്വിസിങ്ങിന് ഏകീകൃതരൂപം നല്‍കുന്നതിന്റെ ആദ്യപടിയായി ക്വിസ് സൊസൈറ്റി ഓഫ് ഇന്ത്യയുടെ നേതൃത്വത്തില്‍ എല്ലാ ജില്ലകളിലും റാങ്കിങ് ചാമ്പ്യന്‍ഷിപ്പ് സംഘടിപ്പിക്കും.
ഇടുക്കി ജില്ലാതല മത്സരം 10ന് രാവിലെ 9.30ന് തൊടുപുഴ മുതലക്കോടം സെന്റ് ജോര്‍ജ്‌സ് എച്ച്എസ്എസില്‍ നടക്കും.
ജില്ലാ കലക്ടര്‍ ജി. ആര്‍ ഗോകുല്‍, ക്വിസ് സൊസൈറ്റി ഓഫ് ഇന്ത്യ ഡിസ്ട്രിക്ട് പ്രോക്ടര്‍ ഫെനി ജോയി എന്നിവര്‍ മത്സരത്തിന് നേതൃത്വം നല്‍കും.രജിസ്‌ട്രേഷന്‍ ഫീസില്ല. ജില്ലയില്‍ നിന്നും മുന്നിലെത്തുന്ന ആദ്യ മൂന്നു ടീമുകള്‍ക്ക് ജൂണ്‍ ആദ്യവാരം കോഴിക്കോട് ലോകക്വിസ് ചാംപ്യന്‍ഷിപ്പിനോട് അനുബന്ധിച്ച് നടക്കുന്ന റിവര്‍ബറേറ്റ് ക്വിസ് ഫെസ്റ്റിവലില്‍ ഗ്രാന്റ് ഫിനാലെ സംഘടിപ്പിക്കും.
ഈ മത്സരങ്ങള്‍ക്ക് ശേഷമാണ് സ്‌കൂള്‍ ക്വിസര്‍മാര്‍ക്കുള്ള ഔദ്യോഗിക റാങ്കിങ് പുറത്തു വിടുക. കൂടുതല്‍ വിവിരങ്ങള്‍ക്ക് 9961013403 എന്ന ഫോണ്‍നമ്പരില്‍ ബന്ധപ്പെടണം.