തിരുവനന്തപുരം: നിയമസഭയില്‍ പൊതുജനങ്ങളുടെ പങ്കാളിത്തം ക്ഷണിച്ച് പ്രതിപക്ഷ നേതാവ് രമേശ് ചെന്നിത്തല. ഫെയ്‌സ്ബുക്ക് പേജിലൂടെയാണ് ചെന്നിത്തല നിയമസഭയില്‍ ചോദിക്കാനാഗ്രഹിക്കുന്ന ചോദ്യങ്ങള്‍ അറിയിക്കാന്‍ ആവശ്യപ്പെട്ടിരിക്കുന്നത്. ഫെയ്‌സ്ബുക്ക് പോസ്റ്റിന്റെ കമന്റായും ൃമാലവെരവലിിശവേമഹമ@ഴാമശഹ.രീാ എന്ന മെയിലിലും ചോദ്യങ്ങള്‍ അയക്കാം. പ്രസക്തമായ ചോദ്യങ്ങള്‍ പ്രതിപക്ഷ അംഗങ്ങള്‍ നിയമസഭയില്‍ ഉന്നയിക്കും.
27ന് നിയമസഭയുടെ ബജറ്റ് സമ്മേളനം ആരംഭിക്കാനിരിക്കെ ഇതിനോടകം ആയിരക്കണക്കിന് ചോദ്യങ്ങളാണ് ലഭിച്ചതെന്ന് രമേശ് ചെന്നിത്തലയുടെ ഓഫിസില്‍ നിന്ന് അറിയിച്ചു. പൊതുജനങ്ങളുടെ പങ്കാളിത്തം കൂടി ഉണ്ടാകുമ്പോഴാണ് ജനാധിപത്യം പൂര്‍ണമാകുന്നതെന്നും അതിനാലാണ് ജനങ്ങളുടെ പ്രശ്‌നങ്ങള്‍ നേരിട്ടറിയാന്‍ സോഷ്യല്‍ മീഡിയ ഉപയോഗപ്പെടുത്തുന്നതെന്നും രമേശ് ചെന്നിത്തല പ്രതികരിച്ചു.