കണ്ണൂര്‍: ബി.എസ്.എന്‍.എല്‍ കുടുംബാംഗങ്ങളുടെ ഐക്യം സജീവമാക്കുന്നതിനായി ജീവനക്കാരേയും വിരമിച്ചവരേയും താത്കാലിക ജീവനക്കാരേയും അവരുടെ കുടുംബാംഗങ്ങളേയും പങ്കെടുപ്പിച്ച് ബി.എസ്.എന്‍.എല്‍ സാംസ്‌കാരികോത്സവം സംഘടിപ്പിക്കുന്നു. നാളെ രാവിലെ 10ന് കണ്ണൂര്‍ മുനിസിപ്പല്‍ സ്‌കൂളില്‍ നോവലിസ്റ്റ് സി. രാധാകൃഷ്ണന്‍ ഉദ്ഘാടനം ചെയ്യും. വൈകുന്നേരം 4.30ന് മേയര്‍ ഇ.പി ലത സ്മരണിക പ്രകാശനം ചെയ്യും. വൈകുന്നേരം അഞ്ചിന് സാംസ്‌കാരിക സായാഹ്നം നടനും സംവിധായകനുമായ മധുപാല്‍ നിര്‍വഹിക്കും. കലക്ടര്‍ മിര്‍ മുഹമ്മദലി മുഖ്യാതിഥിയാകും. തുടര്‍ന്ന് വിവിധ കലാപരിപാടികള്‍. വാര്‍ത്താസമ്മേളനത്തില്‍ ബി.എസ്.എന്‍.എല്‍ ജനറല്‍ മാനേജര്‍ എസ്. വെങ്കിടേശന്‍, കെ.സി അജയകുമാര്‍, യു. പ്രേമന്‍, കെ.പി രാജന്‍, പി. മനോഹരന്‍ പങ്കെടുത്തു.