ബീജിങ്ങ്: കൊവിഡ്-19 ലോകത്തിന്റെ പല ഭാഗങ്ങളിലും ഉണ്ടായിരുന്നുവെന്നും എന്നാല്‍ തങ്ങള്‍ മാത്രമാണ് ആദ്യം റിപ്പോര്‍ട്ട് ചെയ്തതെന്നും ചൈന. വുഹാനിലെ ബയോ- ലാബില്‍ നിന്നാണ് കൊറോണാ വൈറസ് വ്യാപിച്ചതെന്ന യു.എസ് ആരോപണത്തിന് മറുപടിയായാണ് ചൈനയുടെ വാദം.

കഴിഞ്ഞവര്‍ഷം നവംബറില്‍ ചൈനയിലാണ് കൊറോണാ വൈറസ് ആദ്യം സ്ഥിരീകരിച്ചത്. പിന്നീട് ലോകത്തിന്റെ പല ഭാഗങ്ങളിലായി സ്ഥിരീകരിക്കുകയായിരുന്നു. ജനുവരിയിലാണ് ഇന്ത്യയില്‍ സ്ഥിരീകരിച്ചത്. കേരളത്തിലായിരുന്നു ആദ്യ കേസ് റിപ്പോര്‍ട്ട് ചെയ്തത്.

ചൈന കൊവിഡ് വ്യാപനം ആദ്യം മൂടിവച്ചുവെന്നടക്കമുള്ള ആരോപണങ്ങളുണ്ടായിരുന്നു. ഇതിനെ പ്രതിരോധിക്കാനാണ് ചൈനയുടെ പുതിയ വാദം. ചൈന സംഭവം മൂടിവച്ചുവെന്ന് യു.എസ് വിദേശകാര്യ സെക്രട്ടറി മൈക്ക് പോംപിയോ ആരോപിച്ചിരുന്നു.