ദേശമംഗലം : ഗ്രാമീണ വായനശാലയുടെ നേതൃത്വത്തില്‍ ചേലക്കര എം.എല്‍.എ യു.ആര്‍ പ്രദീപിന് സ്വീകരണം നല്‍കി. കവി പുലാക്കോട് രവീന്ദ്രന്‍ സ്മാരക അവാര്‍ഡ് ദാനവും, അനുസ്മരണവും നടന്നു.
സ്റ്റുഡന്റ്‌സ് ഹോം അലൂമിനി എന്ന സംഘടന ഏര്‍പ്പെടുത്തിയ ഡി.ആര്‍ വാര്യര്‍ സ്മാരക വിദ്യാഭ്യാസ ധനസഹായ വിതരണം ജില്ലാ പഞ്ചായത്ത് വൈസ് പ്രസിഡന്റ് കെ.പി രാധാകൃഷ്ണന്‍ ഉദ്ഘാടനം ചെയ്തു.
വായനശാലാ പ്രസിഡന്റ് എ.ജെ അബ്രഹാം അധ്യക്ഷനായി. കവി ദേശമംഗലം രാമകൃഷ്ണന്‍ മുഖ്യ പ്രഭാഷണം നടത്തി.
പഞ്ചായത്ത് മെമ്പര്‍ ബീന ഗോപന്‍, ജി.വി.എച്ച്.എസ്.എസ് പ്രിന്‍സിപ്പാള്‍ പി. രഞ്ജിത്ത്, പി.ടി.എ പ്രസിഡന്റ് കെ. ജയചന്ദ്രന്‍, താലൂക്ക് ലൈബ്രറി കൗണ്‍സില്‍ പ്രസിഡന്റ് പി.കെ ഗോപാലന്‍, കെ.കെ മുരളീധരന്‍, കെ. ശശിധരന്‍ സംസാരിച്ചു. യു.ആര്‍ പ്രദീപ് നന്ദി പറഞ്ഞു.