തിരുവനന്തപുരം: നാഗമ്പടം മേല്‍പ്പാലം പൊളിക്കുന്നതിനാല്‍ കോട്ടയം വഴിയുള്ള ട്രെയിനുകള്‍ റദ്ദാക്കിയ സാഹചര്യത്തില്‍ കൂടുതല്‍ യാത്രാ സംവിധാനമൊരുക്കി കെ.എസ്.ആര്‍.ടി.സി. ഇന്നു മുതല്‍ 27 വരെ ഏതാനും ട്രെയിന്‍ സര്‍വിസുകള്‍ റദ്ദ് ചെയ്യുന്നതതു കാരണം യാത്രക്കാര്‍ക്ക് ഉണ്ടാകാവുന്ന അസൗകര്യം കണക്കിലെടുത്താണ് കെ.എസ്.ആര്‍.ടി.സി എ.സി ബസുകള്‍ ഉള്‍പ്പെടെ പ്രത്യേക സര്‍വിസുകള്‍ ഏര്‍പ്പെടുത്തിയിരിക്കുന്നത്.
കാന്‍സല്‍ ചെയ്ത ട്രെയിനുകള്‍ പുറപ്പെടുന്ന സമയത്ത് തന്നെ കെ.എസ്.ആര്‍.ടി.സി ബസുകള്‍ ആലപ്പുഴ വഴിയും കോട്ടയം വഴിയും എറണാകുളം, തൃശൂര്‍ ഭാഗത്തേക്ക് സര്‍വിസ് നടത്തും. യാത്രക്കാരുടെ സൗകര്യാര്‍ഥം ബസുകള്‍ തിരുവനന്തപുരം റെയില്‍വേ സ്റ്റേഷനില്‍ നിന്നുമാണ് പുറപ്പെടുന്നത്. ദക്ഷിണ റെയില്‍വേയും കെ.എസ്.ആര്‍.ടി.സിയും സഹകരിച്ചാണ് പ്രത്യേക സര്‍വിസുകള്‍ നടത്തുന്നത്. ഈ ദിവസങ്ങളില്‍ തിരുവനന്തപുരം സെന്‍ട്രല്‍ ഡി.റ്റി.ഒയെ നോഡല്‍ ഓഫിസറായും തിരുവനന്തപുരം സെന്‍ട്രല്‍ റെയില്‍വേ സ്റ്റേഷന്‍ കേന്ദ്രീകരിച്ച് ഒരു ഇന്‍സ്‌പെക്ടറുടെ സേവനവും ഏര്‍പ്പെടുത്തിയിട്ടുണ്ടെന്ന് കെ.എസ്.ആര്‍.ടി.സി അറിയിച്ചു.