അഹമ്മദാബാദ്: ഗുജറാത്തില്‍ വീണ്ടും ദുരഭിമാനക്കൊല. പ്രണയിച്ച് വിവാഹം കഴിച്ചതിന്റെ പേരില്‍ മധ്യപ്രദേശില്‍ നിന്ന് ഒളിച്ചോടി ഗുജറാത്തിലെത്തിയ ദമ്പതികളെയാണ് ബന്ധുക്കള്‍ ആക്രമിച്ചത്. ആക്രമണത്തില്‍ ഭാര്യ കൊല്ലപ്പെട്ടു. ഭര്‍ത്താവ് ഗുരുതര പരിക്കുകളോടെ ചികിത്സയിലാണ്. 

രാജ്‌നി ധാക്കഡും, സന്തോഷ് ജാതവും മധ്യപ്രദേശ് സ്വദേശികളാണ്. ഇരുവരും പ്രണയിച്ച് വിവാഹം കഴിച്ചവരാണ്. ഉയര്‍ന്ന ജാതിയില്‍പ്പെട്ട മകള്‍ ദളിത് യുവാവിനെ വിവാഹം കഴിച്ചതില്‍ കുടുംബം എതിര്‍പ്പ് പ്രകടിപ്പിച്ചിരുന്നു. ഇതിനെ തുടര്‍ന്നാണ് ഇരുവരും ഗുജറാത്തിലേക്ക് ഒളിച്ചോടിയത്. ജൂണ്‍ 7ന് ഗുജറാത്തിലെ സബര്‍കാന്ത ജില്ലയിലെത്തിയ ഇവര്‍ അവിടെ വെച്ചാണ് വിവാഹം കഴിച്ചത്. 

ALSO READ: ഇടുക്കിയിലും ഷിഗെല്ല; രണ്ട് കുട്ടികള്‍ക്ക് രോഗബാധ; ഇന്ന് രോഗം സ്ഥിരീകരിച്ചത് 8 പേര്‍ക്ക് 

വിവാഹം കഴിഞ്ഞ് മൂന്ന് ദിവസത്തിന് ശേഷം രാജ്‌നിയുടെ ഇളയ സഹോദരന്‍ ദമ്പതികളെ കണ്ടെത്തുകയും, പൊലിസിന്റെ സഹായത്തോടെ ഇരുവരെയും പിടികൂടുകയും ചെയ്തു. തുടര്‍ന്ന് ദമ്പതികളെ പൊലിസ് അകമ്പടിയോടെ മധ്യപ്രദേശിലേക്ക് കൊണ്ടുപോകും വഴിയാണ് ആക്രമണം നടന്നത്. യാത്രക്കിടെ സഹോദരന്‍ തന്നെയാണ് രാജ്‌നിയെ കഴുത്തറുത്ത് കൊന്നത്. സമാനമായി യുവാവിനെയും ആക്രമിക്കാന്‍ ശ്രമിക്കുകയായിരുന്നു. കഴുത്തില്‍ ആഴത്തില്‍ പരിക്കേറ്റ യുവാവ് ആശുപത്രിയില്‍ ചികിത്സയിലാണ്. 

സംഭവത്തില്‍ ഗുജറാത്ത് പൊലിസും, മധ്യപ്രദേശ് പൊലിസും സംയുക്തമായാണ് അന്വേഷണം നടത്തുന്നത്. ആക്രമണത്തില്‍ പൊലിസിന് ഗുരുതര അനാസ്ഥയുണ്ടായെന്ന് ആരോപണം ഉയരുന്നുണ്ട്.

"Woman murdered by her brother for marrying a Dalit youth; husband sustains serious injuries in Gujarat.