അഹമ്മദാബാദ്: ഗുജറാത്തിലെ അഹമ്മദാബാദില്‍ മുസ്‌ലിം യുവാവിന് നേരെ ഹിന്ദുത്വ ആക്രമണം. ഉത്തര്‍പ്രദേശ് സ്വദേശിയായ തൊഴിലാളിക്ക് നേരെയാണ് ആക്രമണമുണ്ടായത്. നരോദ മേഖലയില്‍ ഇയാള്‍ താമസിച്ചിരുന്ന വീടൊഴിയണമെന്ന് ആവശ്യപ്പെട്ടായിരുന്നു ആക്രമണം.

ബജ്‌റങ്ദള്‍ പ്രവര്‍ത്തകനായ ഗണേഷ് വന്‍സാരയുടെ നേതൃത്വത്തിലാണ് യുവാവിനെ കയ്യേറ്റം ചെയ്തത്. ഗുജറാത്തുകാരനല്ലെന്ന് അറിഞ്ഞതോടെ ഗണേഷും സംഘവും യുവാവിനെ ആക്രമിക്കാനൊരുങ്ങി. അന്തരിച്ച ഇറാന്‍ പരമോന്നത നേതാവായ അലി ഖാംനഇയുടെ അനന്തരവന്‍ എന്ന് യുവാവിനെ നോക്കി ബജ്‌റങ്ദള്‍ പ്രവര്‍ത്തകര്‍ ആക്രോഷിക്കുന്നുണ്ട്. ഉടന്‍ ഒഴിഞ്ഞുപോകണമെന്നും, സ്വന്തം സ്ഥലത്തേക്ക് മടങ്ങണമെന്നും ഗണേഷ് വന്‍സാര ഭീഷണിപ്പെടുത്തുന്ന വീഡിയോ സമൂഹമാധ്യമങ്ങളില്‍ പ്രചരിക്കുന്നുണ്ട്.

ലവ് ജിഹാദ് ആരോപണവും യുവാവിനെതിരെ ഉയര്‍ത്തുന്നുണ്ട്. മുസ്‌ലിം യുവാക്കള്‍ താമസിക്കുന്ന പ്രദേശത്ത് ഹിന്ദു സ്ത്രീകള്‍ക്ക് ഭീഷണിയുണ്ടെന്നും, ഇത് ഒടുവില്‍ സ്ത്രീകളെ ഫ്രീസറില്‍ കാണപ്പെടുന്ന സാഹചര്യത്തിലേക്ക് നയിക്കുമെന്നും വന്‍സാര പറഞ്ഞു. 2022ലെ ശ്രദ്ധ വാല്‍ക്കര്‍ വധക്കേസിലെ പ്രതി അഫ്താബ് പുനെവാലയുടെ പേര് പരാമര്‍ശിച്ചായിരുന്നു ഇയാളുടെ വിദ്വേഷ പ്രസംഗം.

Muslim youth was allegedly attacked by Hindutva extremists in Ahmedabad, Gujarat.