കല്‍പ്പറ്റ: നഗരസഭ 2016-17 വര്‍ഷത്തെ പദ്ധതിയില്‍ ഉള്‍പ്പെടുത്തി കല്‍പ്പറ്റ നഗരസഭയിലെ യു.പി തലം മുതല്‍ ഹയര്‍ സെക്കന്‍ഡറി തലം വരെയുള്ള പെണ്‍കുട്ടികള്‍ക്ക് വേണ്ടി നടപ്പിലാക്കിയ നാപ്കിന്‍ വെന്‍ഡിങ് ആന്‍ഡ് ഡിസ്‌ട്രോയിങ് മെഷീന്‍ വിതരണം ചെയ്തു.
നഗരസഭ ചെയര്‍പേഴ്‌സണ്‍ ഉമൈബ മൊയ്തീന്‍ കുട്ടി ഉദ്ഘാടനം ചെയ്തു. വൈസ് ചെയര്‍മാന്‍ പി.പി ആലി അധ്യക്ഷനായി. വിദ്യാഭ്യാസ സ്റ്റാന്‍ഡിങ് കമ്മിറ്റി ചെയര്‍പേഴ്‌സണ്‍ സനിത ജഗദീഷ് മുഖ്യ പ്രഭാഷണം നടത്തി. സ്റ്റാന്‍ഡിങ് കമ്മിറ്റി ചെയര്‍മാന്‍ എ.പി ഹമീദ്, ബിന്ദു ജോസ്, അഡ്വ. ടി.ജെ ഐസക്ക്, കെ അജിത, വി ഹാരിസ്, നഗരസഭ സെക്രട്ടറി കെ.എന്‍ രവീന്ദ്രന്‍, ജി.വി.എച്ച്.എസ് പ്രിന്‍സിപ്പല്‍ എം.ആര്‍ രാമേന്ദ്രന്‍ സംസാരിച്ചു. മുണ്ടേരി വൊക്കേഷനല്‍ ഹയര്‍ സെക്കന്‍ഡറി സ്‌കൂള്‍, എസ്.കെ.എം.ജെ ഹയര്‍ സെക്കന്‍ഡറി സ്‌കൂള്‍, പുളിയാര്‍മല ഗവണ്‍മെന്റ് യു.പി സ്‌കൂള്‍, കല്‍പ്പറ്റ എച്ച്.ഐ.എം. യു.പി.സ്‌കൂള്‍, പെരുന്തട്ട ഗവമെന്റ് യു.പി.സ്‌കൂള്‍ എന്നി സ്‌കൂളുകള്‍ക്കാണ് മെഷീന്‍ വിതരണം ചെയ്തത്.