ചെറുവത്തൂര്‍:  നിരവധി കറാമത്തുകളാല്‍ പ്രസിദ്ധമായ ജില്ലയിലെ പ്രമുഖ സിയാറത്ത് കേന്ദ്രമായ ചെറുവത്തൂര്‍ കോട്ടപ്പള്ളി വലിയ്യുല്ലാഹി (ന.മ) മഖാമിന്റെ കീഴില്‍ വര്‍ഷംതോറും നടത്തിവരാറുള്ള സ്വലാത്ത് വാര്‍ഷികവും മജ്‌ലിസുന്നൂറും ബറാഅത്ത് സംഗമത്തോടെ ഇന്നു സമാപിക്കും. രാവിലെ 10നു ഖത്മുല്‍ ഖുര്‍ആന്‍ ദുആ സംഗമത്തിന് സയ്യിദ് മശ്ഹൂര്‍ ഉമര്‍ കോയ തങ്ങള്‍ നേതൃത്വം നല്‍കും.
11നു അന്നദാനം ആരംഭിക്കും. വൈകീട്ട് ഏഴിനു സയ്യിദ് നജ്മുദ്ദീന്‍ തങ്ങള്‍ ഹൈദ്രൂസി അല്‍ ബുഖാരി മംഗലാപുരം മഖാം സിയാറത്തിനു നേതൃത്വം നല്‍കും. സമാപന സമ്മേളനത്തില്‍ എം.ടി മുസ്തഫ അശ്‌റഫി കക്കുപ്പടി മുഖ്യ പ്രഭാഷണം നടത്തും.
മജ്‌ലിസുന്നൂറിന്നും സമാപന ദുആ സമ്മേളനത്തിനും സമസ്ത കേരള ജംഇയ്യത്തുല്‍ ഉലമ ട്രഷറര്‍ സി.കെ.എം സ്വാദിഖ് മുസ്‌ലിയാര്‍ നേതൃത്വം നല്‍കും.
കാടങ്കോട് മുദരിസ്സ്  ഉമര്‍ റബ്ബാനി, കോട്ടക്കാല്‍ ഖത്തീബ് നാഫിഅ് കമാലി, സ്വാദിഖിയ്യ വൈസ് പ്രിന്‍സിപ്പല്‍ യാസിര്‍ ഫൈസി, സ്വാലിഹ് ഫൈസി പെരുമ്പിലാവ്, ഫാളില്‍ ഫൈസി, ഹംസ മുസ്‌ലിയാര്‍, മുഹമ്മദാലി മുസ്‌ലിയാര്‍ കോട്ടപ്പുറം തുടങ്ങിയ പ്രമുഖര്‍ ബറാഅത്ത് സംഗമത്തില്‍ പങ്കെടുക്കും.
നാലുദിവസങ്ങളിലായി മുസ്ത്വഫ ഹുദവി ആക്കോട്, ജി.എം സ്വലാഹുദ്ദീന്‍ ഫൈസി വല്ലപ്പുഴ, മുനീര്‍ ഹുദവി വിളയില്‍ ജലീല്‍ റഹ്മാനി വാണിയന്നൂര്‍ മുഖ്യ പ്രഭാഷണം നടത്തി.
സയ്യിദ് അലിയാര്‍ തങ്ങള്‍ അല്‍ ബുഖാരി മണ്ണാര്‍ക്കാട്. സയ്യിദ് സഫ്‌വാന്‍ തങ്ങള്‍ അല്‍ ബുഖാരി ഏഴിമല, സയ്യിദ് ഹുസൈന്‍ തങ്ങള്‍ അല്‍ അസ്ഹരി പട്ടാമ്പി സയ്യിദ് സൈനുല്‍ ആബിദീന്‍ തങ്ങള്‍ കുന്നുംകൈ എന്നിവര്‍ സംബന്ധിച്ചു.