കൊച്ചി: സ്പാനിഷ് മിഡ്ഫീല്‍ഡര്‍ മാരിയോ അര്‍ക്വസ് കേരള ബ്ലാസ്റ്റേഴ്‌സുമായി കരാറിലെത്തി. സ്പാനിഷ് താരമായ ഹോസു ബ്ലാസ്റ്റേഴ്‌സ് വിട്ടതിന് ശേഷം ഇതാദ്യമായാണ് ഒരു സ്പാനിഷ് താരം ബ്ലാസ്റ്റേഴ്‌സിലെത്തുന്നത്. കഴിഞ്ഞ ദിവസമാണ് ബ്ലാസ്റ്റേഴ്‌സ് അധികൃതര്‍ ഇക്കാര്യം അറിയിച്ചത്.
കഴിഞ്ഞ സീസണില്‍ ജംഷഡ്പൂര്‍ എഫ്.സിയുടെ താരമായിരുന്ന മാരിയോ അര്‍ക്വസ് അവര്‍ക്ക് വേ@ണ്ടി 18 മത്സരങ്ങള്‍ കളിച്ചിട്ടു@ണ്ട്. മൂന്ന് ഗോളുകളും ര@ണ്ടു അസിസ്റ്റുകളും താരം സ്വന്തം പേരില്‍ കുറിച്ചിട്ടുണ്ട്. സ്പാനിഷ് താരമായ അര്‍ക്വസ് വിയ്യാറയല്‍ അക്കാദമിയിലൂടെയായിരുന്നു വളര്‍ന്ന് വന്നത്. സ്‌പെയിനില്‍ ഏഴ് വര്‍ഷം കളിച്ചതിനു ശേഷമായിരുന്നു അര്‍ക്വസ് കഴിഞ്ഞ സീസണില്‍ ജംഷഡ്പൂരില്‍ എത്തിയത്. പുതിയ താരങ്ങളെ ടീമിലെത്തിക്കുന്നതോടെ പുതിയ സീസണില്‍ ബ്ലാസ്റ്റേഴ്‌സ് മികച്ച ടീമാകുമെന്ന പ്രതീക്ഷയിലാണ് ബ്ലാസ്റ്റേഴ്‌സ് ആരാധകര്‍.