തിരുവനന്തപുരം:  ഉപഭോക്താക്കളെ പ്രതിസന്ധിയിലാക്കി എസ്. ബി.ഐ സൗജന്യ സേവനങ്ങള്‍ നിര്‍ത്തലാക്കുന്നു. ജൂണ്‍ ഒന്നുമുതല്‍ ഓരോ എ.ടി.എം ഇടപാടുകള്‍ക്ക് ഇരുപത്തഞ്ച് രൂപ സര്‍വിസ്‌ ചാര്‍ജ് ഈടാക്കാന്‍ എസ്.ബി..ഐ തീരുമാനിച്ചതായി റിപ്പോര്‍ട്ട്. മുഷിഞ്ഞ നോട്ട് മാറാനും ഏജന്റ് മുഖേന പണം നിക്ഷേപിക്കുന്നതിനും ചാര്‍ജ് ഈടാക്കാന്‍ തീരുമാനമായതായും റിപ്പോര്‍ട്ടുണ്ട്. ബിസിനസ് ദിനപത്രങ്ങളാണ് ഇക്കാര്യം റിപ്പോര്‍ട്ട് ചെയ്തത്.

 5,000 രൂപ വരെയുളള 20 മുഷിഞ്ഞ നോട്ടുകള്‍ വരെ മാറ്റിയെടുക്കാന്‍ സര്‍വീസ് ചാര്‍ജ് വേണ്ട. 20ല്‍ അധികം നോട്ടുകള്‍ ഉണ്ടെങ്കില്‍ ഓരോ നോട്ടിനും രണ്ടുരൂപയും സേവനനികുതിയും കൊടുക്കേണ്ടി വരും. അല്ലെങ്കില്‍ 1,000 രൂപയ്ക്ക് അഞ്ച് രൂപ സേവന നികുതിയാണ് ഈടാക്കുക.