വാഷിങ്ടണ്‍: യു.എസ് തെരഞ്ഞെടുപ്പില്‍ ഡെമോക്രാറ്റിക് പാര്‍ട്ടിയുടെ വൈസ് പ്രസിഡന്റ് സ്ഥാനാര്‍ഥിയും ഇന്ത്യന്‍ വംശജയുമായ കമലാ ഹാരിസിന്റെ പേര് തെറ്റായി ഉച്ചരിച്ച റിപ്പബ്ലിക്കന്‍ സെനറ്റര്‍ക്കെതിരെ പ്രതിഷേധം. ഡേവിഡ് പെര്‍ഡ്യൂ ആണ് തെരഞ്ഞെടുപ്പ് റാലിക്കിടെ കമലയുടെ പേര് തെറ്റായി ഉച്ചരിച്ചത്.

'KAH''mahlah? KahMAH''lah? Kamalamalamala?- എനിക്കറിയില്ല, എന്തായാലും...' ഇങ്ങനെ തുടരുന്നു ഡേവിഡിന്റെ പ്രസ്താവന. എന്നാല്‍ മന:പൂര്‍വ്വം പേര് തെറ്റിച്ച് ഉച്ചരിച്ചതിലൂടെ അപമാനിക്കാന്‍ ശ്രമിച്ചിരിക്കുകയാണെന്നാരോപിച്ച് കമലയ്ക്ക് പിന്തുണയുമായി നിരവധി പേര്‍ രംഗത്തെത്തി. ഡേവിന്റെ പരാമര്‍ശത്തിനെതിരെ 'വര്‍ഗീയതെ തൂത്തെറിയുക' എന്ന മുദ്രാവാക്യവുമായി ജോ ബിഡെന്റെ പ്രചരണ കോര്‍ഡിനേറ്റര്‍ അമിത് ജാനി രംഗത്തെത്തി.

നിരവധി പേര്‍ My Name Is എന്ന ഹാഷ്ടാഗുമായി സോഷ്യല്‍ മീഡിയയില്‍ പ്രതിഷേധിക്കുന്നുണ്ട്. സ്വന്തം പേര് ഇങ്ങനെയാണെന്നും എന്നെ വിളിക്കേണ്ടത് ഇങ്ങനെയാണെന്നും ചൂണ്ടിക്കാട്ടിയാണ് പ്രതിഷേധം. കമലയ്‌ക്കൊപ്പം എന്ന ഹാഷ്ടാഗിലും പ്രതിഷേധം നടക്കുന്നുണ്ട്.