മാനന്തവാടി: അന്താരാഷ്ട്ര പയര്‍ വര്‍ഷാചരണത്തിന്റെ ഭാഗമായി തവിഞ്ഞാല്‍ ഉദയഗിരി ഗവ. എല്‍.പി സ്‌കൂളിന്റെ ആഭിമുഖ്യത്തില്‍ പയര്‍ വിത്തുകളുടെ പ്രദര്‍ശനവും വിത്തുനടിലും നടന്നു. പരിപാടി മാനന്തവാടി എം.എല്‍.എ ഒ.ആര്‍ കേളു ഉദ്ഘാടനം ചെയ്തു.
തവിഞ്ഞാല്‍ ഗ്രാമ പഞ്ചായത്ത് പ്രസിഡന്റ് അനിഷ സുരേന്ദ്രന്‍ അധ്യക്ഷയായി. വൈസ് പ്രസിഡന്റ് ഷൈമ മുരളിധരന്‍, ആരോഗ്യ വിദ്യാഭ്യാസ സ്റ്റാന്‍ഡിങ് കമ്മിറ്റി ചെയര്‍മാന്‍ എന്‍.ജെ ഷജിത്ത്, ക്ഷേമകാര്യ സ്റ്റാന്‍ഡിങ് കമ്മിറ്റി ചെയര്‍പേഴ്‌സണ്‍ ഷബിത ടീച്ചര്‍, എം.ജി ബാബു, കൃഷി ഓഫിസര്‍ അരുണ്‍ കുമാര്‍, പി.ടി.എ പ്രസിഡന്റ് ബിജു നരിപ്പാറ, പ്രധാനാധ്യാപിക സവിതമ്മ മാത്യു, ശിവന്യ എന്നിവര്‍ സംസാരിച്ചു. വിദ്യാഥികള്‍ വിവിധ സ്ഥലങ്ങളില്‍ നിന്നും ശേഖരിച്ച 90 ഇനം പയര്‍ വിത്തുകള്‍ പ്രദര്‍ശിപ്പിക്കുകയും അത് വിദ്യാര്‍ഥികള്‍ സ്‌കൂള്‍ മുറ്റത്ത് നടുകയും ചെയ്തു. പൂര്‍ണമായും ജൈവ രീതിയില്‍ കൃഷി ചെയ്യാനാണ് പദ്ധതി കൊണ്ട് ഉദ്ദേശിക്കുന്നത്.