തിരുവനന്തപുരം: സ്‌കൂളുകള്‍ ലഹരിമുക്തമാക്കാനുള്ള നടപടികള്‍ സംബന്ധിച്ച് വിദ്യാഭ്യാസ മന്ത്രി സി. രവീന്ദ്രനാഥ് എക്‌സൈസ് കമ്മിഷനര്‍ ഋഷിരാജ് സിങ്, ഐ.ജി പി. വിജയന്‍ എന്നിവരുമായി ചര്‍ച്ച നടത്തി. സംസ്ഥാനത്തെ മുഴുവന്‍ പൊതുവിദ്യാലയങ്ങളിലും 'സമീക്ഷ ലഹരിമുക്ത വിദ്യാലയം' കാര്യക്ഷമമാക്കുന്നതിന് വിവിധ പരിപാടികള്‍ നടത്തും.
പദ്ധതിയുടെ സംസ്ഥാനതല ഉദ്ഘാടനം ജൂണ്‍ 17ന് തിരുവനന്തപുരത്ത് ജനപ്രതിനിധികളുടെയും പി.ടി.എ, അധ്യാപകരുടെയും യോഗത്തില്‍ നടക്കും.
സ്‌കൂളുകളില്‍ കൗണ്‍സിലിങ് സൗകര്യം ഏര്‍പ്പെടുത്താനും പി.ടി.എയുടെ നേതൃത്വത്തില്‍ ഒരു ജനകീയ മോണിറ്ററിങ് സംവിധാനം സജ്ജമാക്കാനും തീരുമാനിച്ചു.