തൃശൂര്‍:ബെംഗളൂരുവില്‍ നിന്ന് കേരളത്തിലേക്ക് എംഡിഎംഎ കടത്താൻ ശ്രമിച്ച മൂന്നം​ഗ സംഘം തൃശൂരിൽ പിടിയിലായി.19.28 ഗ്രാം എം.ഡി.എം.എ ബെംഗളൂരുവില്‍ നിന്ന് പാലക്കാട് വഴി തൃശൂരിലേക്ക് കടത്താൻ ശ്രമിക്കവേയാണ് പ്രതികൾ പൊലീസ് പിടിയിലാവുന്നത്. കൊഴുക്കുള്ളി അത്താണിമൂല സ്വദേശി പള്ളിത്താഴത്ത് വീട്ടില്‍ സജിത്ത് (34), കാളത്തോട് സ്വദേശിയായ കുറുക്കന്‍ മൂച്ചിക്കല്‍ വീട്ടില്‍ ഷഫീക്ക് (35),മുളയം അയ്യപ്പന്‍കാവ് സ്വദേശിയായ ചേറുകുളങ്ങര വീട്ടില്‍ യദുകൃഷ്ണന്‍ (31) എന്നിവരെയാണ് വട്ടക്കല്ലില്‍വച്ച് മണ്ണുത്തി സബ് ഇന്‍സ്‌പെകടര്‍ കെസി ബൈജുവും സംഘവും അറസ്റ്റ് ചെയ്തത്.

മിനി ടെമ്പോയിലാണ് പ്രതികൾ  നിരോധിത മയക്കുമരുന്നുമായി എത്തിയത്. മൂന്നു പേര്‍ നിരോധിത മയക്കുമരുന്നുമായി പാലക്കാട് വഴി തൃശൂരിലേക്ക് വരുന്നുണ്ടെന്നുള്ള രഹസ്യ വിവരം മണ്ണുത്തി സബ് ഇന്‍സ്‌പെക്ടര്‍ കെസി ബൈജുവിന് ലഭിച്ചതിനെ തുടർന്ന് നടത്തിയ  വാഹന പരിശോധനയിലാണ് പ്രതികൾ കുടുങ്ങിയത്.മൂന്ന് പ്രതികൾക്കും നേരത്തെ തൃശൂരിലെ വിവിധ പോലീസ് സ്റ്റേഷനുകളിൽ കേസ് നിലവിലുണ്ട്.

ഇന്‍സ്‌പെക്ടര്‍ എം.കെ. ഷമീര്‍, സബ് ഇന്‍സ്‌പെക്ടര്‍മാരായ കെ.സി. ബൈജു, ബെന്നിപോള്‍, ടി.ജി. ജയന്‍, സിവില്‍ പോലീസ് ഓഫീസര്‍മാരായ എന്‍.പി. സുരേഷ്, അജേഷ്‌മോന്‍ എന്നിവരാണ് അന്വേഷണ സംഘത്തിലുണ്ടായിരുന്നത്. കോടതിയില്‍ ഹാജരാക്കിയ മൂന്ന് പ്രതികളെയും റിമാൻഡ് ചെയ്തു.