കോഴിക്കോട്: സമകാലീന സാമൂഹ്യ വിഷയങ്ങളുടെ കഥപറഞ്ഞ് സ്‌കിറ്റില്‍ ഫാറൂഖ് കോളജിന് ഒന്നാം സ്ഥാനം. കാക്കകളും കുയിലുകളും ചേര്‍ന്ന കഥ പറയുന്ന കാകാ നോട്ട് കീകീ....ബട്ട് കൂകൂ... എന്ന സ്‌കിറ്റായിരുന്നു ഫറൂഖ് കോളജ്  അവതരിപ്പിച്ചത്. സദാചാര ഗൂണ്ടായിസം, സ്വാര്‍ത്ഥത, ജാതി വ്യവസ്ഥ, റിയാലിറ്റി ഷോ, ആശുപത്രി കച്ചവടം തുടങ്ങിയ സമകാലിക വിഷയങ്ങളാണ് സ്‌കിറ്റിന്റെ ഇതിവൃത്തം.
ബിരുദ വിദ്യാര്‍ഥികളായ ദിനു, ബാസില്‍,ഫിദ, ഗോപിക, അഭിനവ്, അശ്വതി എന്നിവരാണ് ഇതിലെ  അഭിനേതാക്കള്‍. കലാമണ്ഡലം ജിജിയാണ് സ്‌കിറ്റ് സംവിധാനം ചെയ്തത്. മേക്കപ്പ് കലാമണ്ഡലം ഷിജി. പനമ്പള്ളി മെമ്മോറിയല്‍ കോളജ് ചാലക്കുടിക്കാണ് രണ്ടാം സ്ഥാനം. തൃശൂരിലെ കേരള വര്‍മ കോളജ് മൂന്നാം സ്ഥാനവും കരസ്ഥമാക്കി.